Bæjarráð

Helstu tölur og niðurstöður í ársreikningi Fjarðabyggðar og stofnana í frumdrögum lagður fram til kynningar.

Kynntar forsendur fyrir sölu Bakkabakka 15 til Leigufélagsins Bríetar ehf.
Bæjarráð felur bæjarstjóra að vinna áfram að frágangi kaupsamnings á gefnum forsendum sem lagður verður fyrir bæjarráð til staðfestingar.

Framlögð til kynningar drög samninga um kyndingu Fjarðabyggðarhallarinnar.
Tekið fyrir á næsta fundi bæjarráðs.

Vísað frá skipulags- og framkvæmdanefnd til afgreiðslu bæjarráðs umsókn um lóðina Strandgötu 28, 740 Norðfirði.
Bæjarráð samþykkir að úthluta lóðinni.

Vísað frá skipulags- og framkvæmdanefnd til afgreiðslu bæjarráðs umsókn um stækkun lóðarinnar Blómsturvellir 33 á Norðfirði.
Bæjarráð samþykkir stækkun lóðarinnar.

Farið yfir málefni framkvæmda og viðhalds Vegagerðarinnar í Fjarðabyggð.

Framlagt til kynningar kjörbréf fulltrúa Fjarðabyggðar á aðalfund Sambands sveitarfélaga á Austurlandi sem haldinn verður 20. mars nk.
Bæjarráð felur bæjarritara að fara með umboð á fundi Austurbrúar.

Framlagt frá nefndasviði Alþingis til umsagnar 499. mál frumvarp til laga um varnir gegn snjóflóðum og skriðuföllum.
Bæjarrá felur bæjarstjóra að skila umsögn vegna frumvarpsins.

Framlögð beiðni Verkmenntaskóla Austurlands þar sem óskað er eftir endurgjaldslausum afnotum af Egilsbúð vegna árshátíðar nemenda skólans.
Bæjarráð samþykkir að styrkja nemendafélag skólans sem nemur afnotum þess af Egilsbúð samanber beiðni þar af lútandi. Kostnaði mætt af liðnum óráðstafað 21690.
Jafnframt samþykkir bæjarráð að styrkja Verkmenntaskólann um afnota af Fjarðabyggðahöllinni vegna íþróttadags skólans. Mætt af liðnum óráðstafað 21690.

Framlagt frá nefndasviði Alþingis til umsagnar 505. mál, frumvarp til sveitarstjórnarlaga.
Bæjarráð tekur undir megin sjónarmið frumvarpsins og felur bæjarstjóra að veita umsögn.

Farið yfir stöðu framkvæmda við ofanflóðavarnir í Fjarðabyggð.

Pálina Margeirsdóttir hefur óskað eftir lausn frá nefndarstörfum vegna búferlaflutninga. Tinna Hrönn Smáradóttir tekur sæti varamanns í öldungaráði í stað Pálínu og Birgir Jónsson tekur sæti Pálinu sem varamanns í hafnarstjórn.

Fundargerð 994. fundar stjórnar Sambandsins lögð fram til kynningar.

Fundargerð fjölskyldunefndar frá 9. mars lögð fram til umfjöllunar og afgreiðslu.

Fundargerð skipulags- og framkvæmdanefndar frá 11. mars lögð fram til umfjöllunar og afgreiðslu.

Fundargerð stjórnar menningarstofu frá 10. mars lögð fram til umfjöllunar og afgreiðslu.

Fundargerð ungmennaráðs frá 11. febrúar lögð fram til umfjöllunar og afgreiðslu.

Fundargerð öldungaráðs frá 16. febrúar lögð fram til umfjöllunar og afgreiðslu.