Bæjarráð

Kynning á meistaraverkefni sem fjallar um uppsetningu á varmaskipti til að nýta glatvarma frá Alcoa á Reyðarfirði.

Farið yfir tillögur frá nefndum og ráðum vegna fjárhagsáætlunar 2027.
Vísað til áframhaldandi vinnu við gerð fjárhagsáætlunar.

Lögð fram tillaga að framlengingu samninga um aksturs skólabarna.
Bæjarráð samþykkir að samningur Fjarðabyggðar og Tanna travel ehf. um akstur skólabarna verði framlengdur til næstu tveggja skólaára, 2026 til 2027 og 2027 til 2028.

Vísað frá fjölskyldunefnd til afgreiðslu bæjarráðs minnisblaði um almenningssamgöngur á Suðurfjörðunum með tillögum að breytingum til að styðja við félags- og tómstundastarf barna.
Bæjarráð felur skipulags- og framkvæmdasviði að hefja viðræður við samningsaðila um mögulegar útfærslur á kerfinu. Málið tekið fyrir að nýju.

Framlagður tölvupóstur landeigenda Óseyrar í Stöðvarfirði sem óska eftir smölun lands síns.
Bæjarráð felur skipulags- og framkvæmdasviði að rannsaka og meta aðstæður á vettvangi og upplýsa bæjarráð.

Fjallað um launakjör kjörinna fulltrúa hjá Fjarðabyggð.
Bæjarráð samþykkir að leggja til breytingu á reglum með vísan til umræðna á fundi. Endurskoðaðar reglur lagðar fyrir á næsta fundi til staðfestingar.

Framlögð gögn vegna hönnunar á jafnhættulínum vegna ofanflóðavarna Grjótár á Eskifirði.
Bæjarráð samþykkir að óskað verði eftir fundi Veðurstofu.

Erindi vegna stefnumótunar lagt fram til kynningar

Framlagðar til kynningar fundargerðir stjórnar Samtaka orkusveitarfélaga.

Máli lyft upp úr fundargerð skipulags- og framkvæmdanefndar til frekari vinnslu hjá bæjarráði.

Fundargerð skipulags- og framkvæmdanefndar frá 3. júlí tekin til afgreiðslu.
Bæjarráð í umboði bæjarstjórnar staðfestir fundargerð skipulags- og framkvæmdanefndar að undanskildum lið 2 í fundargerð.

Fundargerð skipulags- og framkvæmdanefndar frá 10. júlí tekin til afgreiðslu.
Bæjarráð í umboði bæjarstjórnar staðfestir fundargerð skipulags- og framkvæmdanefndar.