Bæjarstjórn

Til máls tóku:  Helga Jónsdóttir, Valdimar O Hermannsson, Smári Geirsson, Guðmundur Þorgrímsson.

 

Lögð er fram tillaga um að útsvarshlutfall ársins 2010 verði 13,28% og samþykkir bæjarstjórn tillöguna með 6 atkvæðum fulltrúa meirihluta en fulltrúar Sjálfstæðisflokksins sitja hjá, Valdimar O Hermannsson, Jóhanna Hallgrímsdóttir, Þórður Vilberg Guðmundsson.

 

Bókun Sjálfstæðismanna vegna síðari umræðu og afgreiðslu fjárhagsáætlunar 2010.

Við undirritaðir bæjarfulltrúar Sjálfstæðisflokksins, viljum vekja sérstaka athygli á þeirri stöðu sem fram kemur í fjárhagsáætlun Fjarðabyggðar fyrir árið 2010, þar sem tekjur sveitarfélagsins eru að dragast saman en rekstrargjöld eru að aukast, eigið fé verður neikvætt og skuldabyrgði verður íþyngjandi á komandi árum.  Munum við sitja hjá við afgreiðslu fjárhagsáætlunar 2010.

Það er morgunljóst að halda verður vel utan um allan rekstur og fjárhagslega stjórnun sveitarfélagsins á næstu árum, og munum við Sjálfstæðismenn ekki skorast undan að taka þátt í þeirri erfiðu vinnu sem óhjákvæmilega er framundan hjá Fjarðabyggð.

Valdimar O Hermannsson, Jóhanna Hallgrímsdóttir, Þórður V. Guðmundsson (sign)