Eigna- skipulags- og umhverfisnefnd
Lögð fram endurskoðuð umferðarsamþykkt, þar sem búið er að taka tillit til athugasemda lögreglu. Athugasemdirnar sneru aðallega að umferðahraðanum 40 km/klst og svo orðalagi. <?xml:namespace prefix = o ns = "urn:schemas-microsoft-com:office:office" />
Nefndin leggur til að umferðarhraði verði almennt skilgreindur í Fjarðabyggð sem 50 km/klst, nema í kringum grunnskóla Fjarðabyggðar þar sem hann skal vera 30 km/klst. Nefndin vísar samþykktinni til fyrri umræðu í bæjarstjórn.
Málið var áður tekið fyrir á 43. fundi nefndarinnar, þar sem mannvirkjastjóra og skipulagsstjóra var falið að ræða við félagið. Eftir viðræður þá hefur félagið lýst yfir áhuga á að færa aðstöðu sína að Haga utan við Ljósá og afleggja núverandi aðstöðu.<?xml:namespace prefix = o ns = "urn:schemas-microsoft-com:office:office" />
Nefndin samþykkir að úthluta Skotíþróttafélaginu Dreka svæði utan við Ljósá á Haga ofan við aðstöðu Vélhjólaklúbbsins undir sína starfssemi. Jafnframt felur nefndin skipulagsfulltrúa að afmarka umrætt svæði og leggja fyrir nefndina og þá verður tekin afstaða til skipulagsgerðar.
Framlagður uppdráttur unninn af Alta ehf vegna breytinga á Aðalskipulagi Fjarðabyggðar 2007-2027, þéttbýlisuppdráttur fyrir Norðfjörð. Breytingin er til komin vegna fyrirhugaðrar stækkunar Norðfjarðarhafnar.<?xml:namespace prefix = o ns = "urn:schemas-microsoft-com:office:office" />
Nefndin samþykkir uppdráttinn fyrir sitt leyti og vísar endanlegri afgreiðslu til bæjarstjórnar og í auglýsingu. Kynningarfundur verður haldinn næstkomandi þriðjudag 27. nóvember 2012 á Bókasafni Fjarðabyggðar, Norðfirði fyrir afgreiðslu bæjarstjórnar.
Framlagður uppdráttur og umhverfisskýrsla unninn af Alta ehf dagsettur í nóvember 2012 af deiliskipulagstillögunni Naust 1 fyrir Norðfjarðarhöfn og nágrenni. <?xml:namespace prefix = o ns = "urn:schemas-microsoft-com:office:office" />
Nefndin samþykkir framlagðan uppdrátt ásamt umhverfisskýrslu fyrir sitt leyti og vísar endanlegri afgreiðslu auglýsingar til bæjarstjórnar.
Lögð fram til kynningar áður auglýst deiliskipulagstillaga Neseyrar, íbúðar- og þjónustusvæðis neðan Nesgötu á Norðfirði dagsett 17. nóvember 2008, ásamt minnisblaði Mannvits, dagsett 9. mars 2010. <?xml:namespace prefix = o ns = "urn:schemas-microsoft-com:office:office" />
Nefndin felur framkvæmdasviði að skoða möguleika á færslu vegar niður fyrir leikskólalóðina á móti þeim möguleika að gatan liggi áfram á núverandi svæði. Jafnframt mun nefndin láta áhættu- og kostnaðarmeta báða kosti.
Lagt fram bréf frá Skipulagsstofnun dagsett 9. nóvember 2012 þar sem bent er á að yfirfara þurfi öll deiliskipulög og deiliskipulagsbreytingar sem gerðar voru frá gildistöku nýrra skipulagslaga eða frá áramótum 2010-2011. Úrskurðarnefnd skipulags- og byggingarmála hefur úrskurðað að deiliskipulög og deiliskipulagsbreytingar þar sem meira en þrír mánuðir liðu frá samþykkt sveitastjórnar til þess tíma að þær voru auglýstar í B-deild Stjórnartíðinda séu ógildar.<?xml:namespace prefix = o ns = "urn:schemas-microsoft-com:office:office" />
Nefndin felur skipulagsfulltrúa að svara erindi Skipulagsstofnunar fyrir umbeðin frest. Nefndin mun svo taka málið aftur fyrir á næsta fundi sínum.
Erindi áður tekið fyrir á síðasta fundi nefndarinnar en þar var lagt fram bréf frá Jóni Ragnari Ólafssyni dagsett 20. október 2012 vegna sjóhúss sem stendur við svokallaðan Krók í Eskifirði en sjóhús á þessu svæði þurfa að víkja vegna fyrirhugaðrar legu nýs Norðfjarðarvegar. Bréfritari óskaði eftir að fá að flytja sjóhúsið á annan stað í nágrenni Eskifjarðar t.d utan við bæinn svo hann geti haldið áfram að nýta það. <?xml:namespace prefix = o ns = "urn:schemas-microsoft-com:office:office" />
Umsækjandi hefur nú fallið frá því að færa sjóhúsið.
Lagt er fram til kynningar bréf frá velferðarráðuneytinu þar sem vakin er athygli á framkvæmdaáætlun í málefnum fatlaðs fólks 2012-2014 og viðfangsefnum sveitarfélaga tengdum henni. <?xml:namespace prefix = o ns = "urn:schemas-microsoft-com:office:office" />
Eigna-, skipulags- og umhverfisnefnd felur mannvirkjastjóra í samráði við aðra sviðsstjóra Fjarðabyggðar að fara vel yfir áætlunina með skyldur Fjarðabyggðar í huga varðandi þjónustu við fatlað fólk í sveitarfélaginu.
Málið var til umræðu á fundi bæjarráðs, þar sem því var vísað til umfjöllunar í eigna-, skipulags- og umhverfisnefnd. Rætt um niðurstöður rannsókna á vatnssýnum í neysluvatni á Eskifirði.<?xml:namespace prefix = o ns = "urn:schemas-microsoft-com:office:office" />
Nefndin tekur undir með bæjarráði og óskar eftir greinargerð frá framkvæmdasviði um sýnatökur og verkferla sem unnið er eftir við töku sýna. Jafnframt verði skoðaðir möguleikar þess að setja upp frekari hreinsun vatns eins og geislun.
Lagt fram minnisblað mannvirkjastjóra, dagsett 13. nóvember 2012, vegna yfirfærslu þjóðvega frá ríkinu til sveitarfélagsins. <?xml:namespace prefix = o ns = "urn:schemas-microsoft-com:office:office" />
Nefndin leggur til að bæjarráð hafni þessum breytingum, þar sem ekki liggur fyrir ástandsskoðun á umræddum köflum eða hvaða fjármagn fylgir með yfirfærslu. Nefndin leggur jafnframt til að bæjarráð lýsi sig tilbúið til viðræðna við Vegagerðina um þessi mál.
Lögð fram drög að samningi við Curron ehf. vegna aðgangskerfis í skipulagðar samgöngur í Fjarðabyggð, ásamt skilmálum fyrirtækisins.<?xml:namespace prefix = o ns = "urn:schemas-microsoft-com:office:office" />
Nefndin samþykkir framlögð drög fyrir sitt leyti og vísar til staðfestingar bæjarráðs.
Lagt fram minnisblað framkvæmdasviðs, dagsett 15. nóvember, vegna refa- og minkaveiða á veiði árinu 2011/2012.<?xml:namespace prefix = o ns = "urn:schemas-microsoft-com:office:office" />
Nefndin vísar málinu til kynningar og umfjöllunar í landbúnaðarnefnd.
Lagður fram tölvupóstur, dagsettur 15. nóvember sl., frá Framkvæmdasýslu ríkisins vegna fyrirspurnar eigna-, skipulags- og umhverfisnefndar um framvindu byggingar nýs hjúkrunarheimilis á Eskifirði. <?xml:namespace prefix = o ns = "urn:schemas-microsoft-com:office:office" />
Nefndin þakkar fyrir góð svör og mun fylgjast áfram með framvindu verksins.