Fjölskyldunefnd

Fyrstu drög að starfsáætlun fjölskyldusviðs fyrir árið 2027 lögð fyrir fjölskyldunefnd.

Reglur um sérstakan húsnæðisstuðning 2026 lagðar aftur fyrir fjölskyldunefnd vegna þess að eldri reglur voru lagðar til grundvallar endurskoðun síðasta fundar en er leiðrétt í meðfylgjandi drögum að reglum. Fjölskyldunefnd samþykkir reglurnar og vísar til bæjarráðs.

Vísað frá bæjarráði til nefnda sveitarfélagsins að óskum innviðaráðuneytisins um hvernig einfalda megi regluverk um verkefni sveitarfélaga. Óskað er eftir tillögum fagsviða og nefnda um verkefni sem væru til þess fallin að einfalda reglur sem sveitarfélögum eru settar. Stjórnendum fjölskyldusviðs falið að vinna tillögur og leggja fyrir nefndina að nýju.

Tillaga að merki sameiginlegrar barnaverndarþjónustu Fjarðabyggðar og Sveitarfélagsins Hornafjarðar lögð fram. Fjölskyldunefnd samþykkir fyrir sitt leyti sameiginlegt merki Barnaverndarþjónusta Fjarðabyggðar og Sveitarfélagsins Hornafjarðar.

Þróun mála í barnaverndarþjónustu Fjarðabyggðar og samþættrar þjónustu í þágu farsældar barna í Fjarðabyggð árin 2023-2025 kynnt.

Fjölskyldunefnd samþykkir nýjan vallavinnusamning við Knattspyrnufélag Austfjarða (KFA) fyrir tímabilið 01.01.2026 - 31.12.2028. Samningsfjárhæð fyrir árið 2026 er samþykkt samkvæmt sundurliðun í samningnum og samningsfjárhæð fyrir árin 2027 og 2028 tekur breytingum í samræmi við almenna verðlagsbreytingu í fjárhagsáætlun Fjarðabyggðar samkvæmt ákvæðum samningsins. Helga Rakel Arnardóttir vék af fundi undir þessum lið.

Fjölskyldunefnd heimilar útleigu á gamla ræktarsalnum í Íþróttahúsinu á Reyðarfirði til lögreglunnar til eins árs samkvæmt framlögðum leigusamningi, þar sem leigan er skýrt afmörkuð við gamla ræktarsalinn (speglasalur undanskilinn) og leigutaki annast og greiðir fyrir öll þrif á hinu leigða rými.