Fjölskyldunefnd

Vinna við innra mat í grunnskólum Fjarðabyggðar skólaárið 2025-2026 kynnt, ásamt skýrslum skólanna um innra mat og umbótaáætlunum. Fjölskyldunefnd fagnar þeirri vinnu sem unnin hefur verið við innra mat grunnskóla Fjarðabyggðar skólaárið 2025?2026 og gerð umbótaáætlana. Nefndin telur ánægjulegt að sjá markvissa sjálfsmatsvinnu og skýra sýn á áframhaldandi umbætur sem styðja við gæði skólastarfs og farsæld nemenda. Nefndin þakkar starfsfólki skólanna fyrir faglegt og metnaðarfullt starf.

Starfsáætlun fjölskyldunefndar fyrir 2027 lögð fram til samþykktar. Fjölskyldunefnd samþykkir starfsáætlun fjölskyldunefndar og vísar áfram til umræðu í bæjarráði.

Lagt fram minnisblað um almenningssamgöngur á Suðurfjörðunum með tillögum að breytingum til að styðja við félags- og tómstundastarf barna. Fjölskyldunefnd samþykkir að vísa málinu áfram til bæjarráðs til viðaukagerðar.

Samband Íslenskra sveitarfélags vekur athygli á reglugerð mennta- og barnamálaráðuneytisins sem að mati þeirra gengur gegn samkomulagi ríkis og sveitarfélaga frá 19. mars 2025 um breytta ábyrgðarskiptingu í málefnum barna með fjölþættan vanda.

Samtökin Fræðsla og forvarnir (FRÆ) fara nú af stað með árlegt forvarna- og fræðsluverkefni eins og síðustu 20 ár.
Vímuefnaakstur fer vaxandi og skapar mikla hættu í umferðinni. Við þessu þarf að bregðast, enda um að ræða dauðans alvöru.

Átakið í ár snýr því að ölvunarakstri og heitir ?Heil heim - Hugsaðu um þig og þína - ökum aldrei ölvuð!?
Sérstök áhersla er lögð á ábyrgð ökumanna gagnvart sjálfum sér og öðrum og ábyrgð okkar allra í að koma í veg fyrir akstur undir áhrifum ávana- og vímuefna.