Hafnarstjórn

Umsókn um stækkun lóðar Hraun 4, 731 Reyðarfirði. Skipulags- og framkvæmdanefnd samþykkti fyrir sitt leyti stækkun á lóð með fyrirvara um óverulega breytingu á deiliskipulagi og vísaði erindinu til hafnarstjórnar. Hafnarstjórn samþykkir stækkun lóðar að Hrauni 4 og vísar málinu til afgreiðslu hjá skipulags- og byggingarfulltrúa.

Lögð fram drög að útboðsgögnum fyrir dýpkun við Frystihússbryggju á Eskifirði. Stjórnanda og sviðsstjóra framkvæmdasviðs falið að vinna málið áfram og leggja fyrir að nýju.

Skoða þarf sjóvarnir við Selnes 3-5 á Breiðdalsvík. Haft hefur verið samband við Vegagerðina sem ber ábyrgð á að verja mannvirki fyrir ágangi sjávar. Stjórnanda hafna og hafnarstjóra falið að fylgja málinu eftir gagnvart Vegagerðinni og leggja fyrir að nýju. Jafnframt er hafnarstjóra falið að vera í sambandi við lóðarhafa um málið.

Farið yfir þróun Mjóeyrarhafnar. Trúnaðarmál.

Farið yfir stöðuna á landmótun og landfyllingu á Mjóeyrarhöfn.

Farið að nýju yfir málin varðandi hafnarsvæðið í Mjóafirði. Stjórnanda hafna og hafnarstjóra falið að fylgja málinu eftir gagnvart Vegagerðinni og leggja fyrir að nýju.

Lagt fram erindi Skattsins um aðgang tollgæslu að rafrænni vöktun á tollhöfnum, hafnarsvæðum o.fl. Stjórnanda hafna falið að svara erindinu og vinna að útfærslu.

Lagt fram erindi Skattsins um aðgang tollgæslu að rafrænni vöktun á tollhöfnum, hafnarsvæðum o.fl. Stjórnanda hafna falið að svara erindinu og vinna að útfærslu.

Lagt fram erindi Skattsins um aðgang tollgæslu að rafrænni vöktun á tollhöfnum, hafnarsvæðum o.fl. Stjórnanda hafna falið að svara erindinu og vinna að útfærslu.

Skýrsla Hafnasambands Íslands um framtíðarstefnu hafna lögð fram til kynningar

Hafnasambandsþing Hafnasambands Íslands verður haldið í Stapa í Reykjanesbæ 22.-23.október 2026. Hafnarstjórn samþykkir að þingið verði sótt af fulltrúum Fjarðabyggðarhafna.

Lagðar fram til kynningar fundargerðir 476., 477. og 478. fundar stjórnar Hafnasambands Íslands.