Hafnarstjórn

Erindi frá Eimskip dags. 2. febrúar þar sem óskað er eftir undanþágu frá hafnsöguskyldu að og frá Mjóeyrarhöfn fyrir Heimi Karlsson, skipstjóra á Dettifossi. Hafnarstjórn samþykkir umbeðna undanþágu.

Lagt fyrir að nýju. Unnið er að útboðsgögnum fyrir dýpkun. Hafnarstjórn samþykkir forsendur gagna og val á útboðsleið. Stjórnanda og hafnarstjóra falinn frágangur og leggja fyrir gögn í endanlegri mynd.

Farið yfir stöðuna á landmótun og landfyllingu á Mjóeyrarhöfn.

Fyrir liggur að malbika þarf Leirubakka á Eskifirði til að ljúka frágangi hafnarsvæðisins á landi. Hafnarstjórn samþykkir að farið verði í útboð á malbikun Leirubakka.

Málið lagt fyrir að nýju. Stjórnandi og fulltrúi Vegagerðarinnar hafa skoðað aðstæður við Selnes 3-5 með tilliti til sjóvarna. Hafnarstjórn samþykkir að fara í sjóvarnir til bráðabirgða í samstarfi við Vegagerðina.

Lögð fram skýrsla Vegagerðarinnar um ástand ferjubryggjunnar í Mjóafirði. Stjórnanda hafna falið að vinna málið áfram og kalla eftir frekari gögnum, horft er til þess að farið verði í lagfæringar.

Farið yfir stöðuna á úrbótum í öryggismálum Fjarðabyggðarhafna

Um umsögn Vegagerðar. Skipulags- og framkvæmdanefnd tekur vel í ábendingu Vegagerðarinnar og vísar erindinu til umsagnar í hafnarstjórn. Hafnarstjórn tekur jákvætt í erindið og felur stjórnanda hafna að svara skipulags- og framkvæmdanefnd.

Vísað frá bæjarráði til nefnda sveitarfélagsins óskum innviðaráðuneytisins um hvernig einfalda megin regluverk um verkefni sveitarfélaga. Óskað er eftir tillögum fagsviða og nefnda um verkefni sem væru til þess fallin að einfalda reglur sem sveitarfélögum eru settar.

Lögð fram til kynningar beiðni Síldarvinnslunnar um umsögn vegna endurnýjunar heimavigtunarleyfis fiskimjölsverksmiðju fyrirtækisins.

Lögð fram til kynningar fundargerð 479. fundar stjórnar Hafnasambands Íslands