Hafnarstjórn

Hafnarstjórn felur hafnarstjóra að undirbúa útboð á þjónustu um mönnun og viðhald á dráttarbátnum Vetti í samstarfi við EFLU. Miðað er við að nýr samningur taki gildi frá og með áramótum. Hafnarstjórn samþykkir að framlengja núverandi samning til áramóta.

Lögð fram sem trúnaðarskjal skýrsla skipulagsgreiningar EFLU á Mjóeyrarhöfn. Hafnarstjóra falið að undirbúa kynningarfund með hagaðilum.

Beiðni Loðnuvinnslunnar um uppsetningu slönguhúss og löndunarbúnaðar lögð fram að nýju eftir breytingar á hönnun. Hafnarstjórn samþykkir fyrir sitt leyti uppsetningu á húsi og búnaði og vísar málinu til afgreiðslu skipulags- og framkvæmdanefndar.

Farið yfir uppfærða tímalínu á framkvæmdum Loðnuvinnslunnar með tilliti til beiðni þeirra um hækkun Innri-Löndunarbryggju. Stjórnanda hafna og sviðsstjóra skipulags- og framkvæmdasviðs falið að undirbúa framkvæmdir og leggja fyrir að nýju.

Lagt fram minnisblað frá Portum verkfræðistofu um þykktarmælingu stálþila í Fjarðabyggðarhöfnum. Hafnarstjórn samþykkir að fara í verðkönnun á þykktarmælingum til framkvæmda í sumar.

Yfirferð á stöðu mála er varða verkefni við Leirubakka og Frystihússbryggjuna á Eskifirði. Hafnarstjóra falið að vinna áfram að verkefnum á grundvelli umræðna á fundinum.

Lögð fram til kynningar fundargerð 481.fundar Hafnasambands Íslands