Öldungaráð

Tillaga Einars Más um að öll félögin taki út sitt húsnæði. Framkvæmdasvið er í vinnu við að taka allt húsnæði Fjarðabyggðar út en þarfir notenda húsnæðisins gætu verið aðrar en það sem framkvæmdasvið mun leggja til. Hvert félag fór í stuttu máli yfir starf félagsins, tengingar á milli félaga ræddar, ásamt mikilvægi samtarfs og tengingu hvers félags við grunnskólana á hverjum stað auk möguleikanna á að tengjast frekari böndum í anda Place-ee verkefnisins. Rætt um svarbréf sem sent var til sviðsstjóra fjölskyldusviðs sem svar við pósti sem sendur var eldri borgara félögunum um snjómokstur. Svarbréfið snýr að gjaldskrá og verði á þjónustunni. Guðrún Pétursdóttir frá HSA kynnti nýtt verkefni sem er í startholunum um Heilsueflandi móttöku fyrir eldri borgara í Fjarðabyggð og hvernig sú þjónusta verður mögulega útfærð. Guðrún Lilja kynnti Place-EE verkefnið lítillega, hvað væri búið að gera og hvað væri næst á dagskrá í verkefninu. Hún lagði einnig til að farið yrði í heimsókn til allra félaganna þar sem verkefnið yrði kynnt og hugmyndir sem kviknað hafa. Guðrún Lilja kynnti einnig lítillega þá hugmynd að Fjarðabyggð myndi gerast þátttakandi í samstarfi Alþjóða heilbrigðismálastofnunarinnar (WHO) um aldursvænar borgir og aldursvæn samfélög og tilheyra heimsneti aldursvænna borga og samfélaga. Guðrún var beðin um að skrifa minnisblað um hugmyndina til þess að leggja fyrir á næsta fundi. Beðið um kynningu á Janusarverkefninu á næsta fundi en verkefnið á að fara í gang á þessu starfsári.