Skipulags- og framkvæmdanefnd

Óveruleg breyting á deiliskipulagi iðnaðarsvæðis norðan þjóðvegar, Grímseyri 3-5 Fáskrúðsfirði. Skipulags- og framkvæmdanefnd samþykkir óverulega breytingu á deiliskipulagi og vísar erindinu til samþykktar í bæjarstjórn. Breytingin er ekki talin hafa grenndaráhrif.

Tekin fyrir tillaga um breytingu á Aðalskipulagi Fjarðabyggðar 2020-2040 vegna íbúðarbyggðar á athafnasvæði AT-301 á Reyðarfirði. Tillagan var auglýst og hefur verið breytt í samræmi við bókun á 52. fundi skipulags- og framkvæmdanefndar vegna innsendra athugasemda. Skipulags- og framkvæmdanefnd vísar tillögunni með áorðnum breytingum til afgreiðslu í bæjarstjórn.

Umsókn um byggingarleyfi fyrir breytingum inni við Hraun 2 (slökkvistöð). Skipulags- og framkvæmdanefnd frestar málinu og starfsmönnum sviðsins falið að vinna málið áfram.

Umsókn um byggingarleyfi Hafnargata 15, 750 Fáskrúðsfjörður. Skipulags- og framkvæmdanefnd samþykkir fyrirhugaðar framkvæmdir og felur byggingarfulltrúa að gefa út byggingarleyfi þegar öllum tilskyldum gögnum hefur verið skilað.

Umsókn um stækkun á lóð Strandgata 28, 740 Norðfirði. Skipulags- og framkvæmdanefnd samþykkir breytingu á lóð og vísar erindinu í bæjarráð.

Grenndarkynning Strandgata 28, Norðfirði. Skipulags- og framkvæmdanefnd felur skipulagsfulltrúa að grenndarkynna byggingaráformin fyrir íbúum Strandgötu 26 og 30.

Grenndarkynning Strandgata 6, Norðfirði. Athugasemdir grenndarkynningar kynntar. Skipulags- og framkvæmdanefnd felur skipulagsfullrúa að uppfæra lóðamörk miðað við umræður á fundinum og leggja fyrir fund að nýju.

740 Blómsturvellir 33 - Umsókn um stækkun lóðar. Skipulags- og framkvæmdanefnd samþykkir fyrirhugaða stækkun og vísar erindinu til afgreiðslu í bæjarráð.

Framkvæmdaleyfi efnistaka Hrafnagil. Skipulags- og framkvæmdanefnd felur skipulagsfulltrúa að gefa út framkvæmdaleyfi.

Framkvæmdaleyfi áfangastaðurinn Bleiksárfoss. Skipulags- og framkvæmdanefnd samþykkir áformin og fela skipulagsfulltrúa að gefa út framkvæmdaleyfi.

Skipulags- og framkvæmdanefnd getur ekki orðið við beiðni um framlengingu afnota af æðarvarpi. Stefna sveitarfélagsins er að bjóða út hlunnindi sem þessi til áhugasamra aðila til nýtingu þeirra að loknum samningstíma.

Sviðstjóri fjölskyldusviðs leggur fram minnisblað um aðstöðu og áhöld tengd íþróttahúsi Reyðafjarðar sem þarf að laga til að húsið nýtist sem best. Málinu vísað áfram til skipulags og framkvæmdanefndar. Skipulags- og framkvæmdanefnd felur sviðstjóra að vinna málið áfram og leggja fyrir fund að nýju.