Stjórn menningarstofu

Fundur með fulltrúum bæjarhátíðanna í Fjarðabyggð þar sem farið var yfir drög rammasamnings um framlög sveitarfélagsins til hátíðanna og framkvæmd þeirra.
Stjórn samþykkir drög rammasamninga fyrir sitt leyti en sendir til forsvarsmanna hátíðanna samninga til skoðunar. Tekið fyrir að nýju á næsta fundi stjórnarinnar.

Tekin umræða um áherslur í menningarmálaflokknum á árinu 2027 í rekstri og fjárfestingu. Sviðsstjórar og starfsmenn málaflokka vinna að undirbúningi áætlunar fyrir næsta ár og verða tillögur kynntar fyrir nýjum nefndum í upphafi nýs kjörtímabils.

Farið yfir stöðu framkvæmda við fyrsta áfanga uppbyggingar safnsins og áætlun.
Tekið fyrir á næsta fundi stjórnar þegar frekari upplýsingar hafa verið teknar saman.