Stjórn menningarstofu

Fjallað um framgang framkvæmda við Íslenska stríðsárasafnið en uppsteypa gengur eftir áætlun og von er á bröggum til landsins í byrjun júní. Fjallað um framkvæmdir sem fylgja í kjölfar áfanganna. Sviðsstjóri skipulags- og framkvæmdasviðs mætir á fund.

Forstöðumaður fór yfir framgang verkefna safna fyrir sumarið 2026, þ.m.t. verkefni sem hlutu styrki úr Safnasjóði á árinu 2026.
Fjallað um stefnumörkun safnanna, viðbragðsáætlanir, söfnunarstefnu og þjónustu. Sjóminjasafn Austurlands er komin í beina umsjón Menningarstofu þar sem Fjarðabyggð hefur tekið við rekstri þess. Hluti af stefnumörkun safnanna felst í því að sækja um viðurkenningu fyrir söfnin öll.

Farið yfir framgang endurskoðunar stefnunnar og stöðu hennar en vinnustofan Þín rödd, okkar menning var haldin 8. apríl í Safnaðarheimili á Reyðarfirði með hagaðilum, kjörnum fulltrúum og starfsmönnum menningarstofu. Áformað er að vinnustofa 2 verði haldin með haustinu.

Stjórn Sjóminjasafns Austurlands og bæjarstjórn hafa samþykkt slit safnsins og verið er að ganga frá yfirfærslu eigna og frágangi skjala. Safnið verður rekið eins og önnur minjasöfn í menningarmálaflokknum hjá Fjarðabyggð með sömu áherslum og skyldum og verið hefur.

Fjallað um málefni Mynda- og skjalasafns Fjarðabyggðar. Farið yfir verkefni tengd skjalasafni Fjarðabyggðar og flutning gagna ásamt almennri starfsemi safnsins.

Forstöðumaður fór yfir framgang verkefna menningarstofu frá fyrri fundi og dagskrá Innsævis, lista- og menningarhátíðar Fjarðabyggðar.

Menningarstofa Fjarðabyggðar leiddi umsókn í bókasafnasjóð fyrir viðburðahaldi á bókasöfnum í Fjarðabyggð sem hluti af reglulegum hátíðarhöldum. Úr styrksúthlutun hlaut MF 2.000.000 kr. fyrir þessu tímabundna verkefni á árinu 2026.