Í framhaldi af starfslokum Karls Óttars Péturssonar bæjarstjóra Fjarðabyggðar, sem tilkynnt var um nú í morgun, var eftirfarandi tillaga meirihluta Fjarðalista og Framsóknarflokks samþykkt á fundi bæjarráðs Fjarðabyggðar í dag, fulltrúi Sjálfstæðisflokksins sat hjá við afgreiðsluna.
28.09.2020
Breytingar vegna starfsloka bæjarstjóra Fjarðabyggðar
Jón Björn Hákonarson tekur við starfi bæjarstjóra Fjarðabyggðar út kjörtímabilið og lætur um leið af embætti forseta bæjarstjórnar, formennsku í eigna-, skipulags og umhverfisnefnd og safnanefnd ásamt varaformennsku í bæjarráði.
Eydís Ásbjörnsdóttir lætur af formennsku í bæjarráði og verður forseti bæjarstjórnar og formaður eigna-, skipulags og umhverfisnefndar. Sigurður Ólafsson mun taka sæti sem formaður bæjarráðs í stað Eydísar Ásbjörnsdóttur og Pálína Margeirsdóttir mun taka sæti sem varaformaður í bæjarráði. Skipað verður í safnanefnd á næsta fundi bæjarráðs. Einar Már Sigurðarson mun taka sæti 1. varaforseta og Sigurður Ólafsson 2. varaforseta.
Karli Óttari Péturssyni eru þökkuð góð störf og gott samstarf í þágu Fjarðabyggðar og óskað velfarnaðar.