Dagur íslenskrar tungu er haldinn hátíðlegur í dag. En honum er fagnað víðsvegar um landið og þar á meðal í Nesskóla, Neskaupstað. Dagurinn er einnig upphaf stóru upplestrarkeppninnar sem 7. bekkur Nesskóla tekur þátt í.
Nemendur á sal í Nesskóla
Viðamikil dagskrá var í Nesskóla þar sem Óskar Ágúst kennari á unglingastigi var með kynningu á degi íslenskrar tungu sem og upplestrarkepninni.
Nemendur grunnskólans fræddu samnemendur sína um líf og störf Jónasar Hallgrímssonar, lesin voru ljóð eftir hann og stuttir kaflar úr sögum eftir hann lesin upp.
Einnig vorur flutt voru tónlistaratriði af nemendum og kennurum. Lögin Kvöldsigling, eftir Gísla Helgason og Krummi svaf í klettagjá voru sungin.
Að lokum spilaði tónmenntakennarinn Noemi Alföldi undir á píanó og sungu nemendur og starfsfólk lagið ,,Á Íslandi má alltaf finna svar".
