Á fundi bæjarráðs Fjarðabyggðar sl. mánudag var samþykkt að engin hátíðahöld færu fram á vegum sveitarfélagsins í tilefni af þjóðhátíðardeginum 17. júní að þessu sinni. Er þessi ákvörðun tekin vegna þeirra takmarkana sem í gildi eru vegna COVID-19 og er hún tekin í samráði við almannavarnir og sóttvarnaryfirvöld.
20.05.2020
Hátíðahöld vegna 17. júní felld niður í Fjarðabyggð
Undanfarinn ár hefur verið leitað til ungmennafélaganna í Fjarðabyggð til að halda utan um hátíðahöld á 17. júní. Hafa hátíðahöldin ferðast á milli byggðakjarnanna og í ár var komið að Ungmennafélaginu Austra á Eskifirði að halda hátíðina
17. júní eru mikilvægur liður í fjáröflun íþróttafélaga á svæðinu og getur reynst þeim erfitt að verða af þeim tekjum sem þau höfðu gert ráð fyrir vegna þessa. Þess vegna samþykkti bæjarráð einnig að hluti af upphæðinni sem áætluð hafði verið til greiðslu vegna hátíðarinnar verði látin renna til Austra í ár, og auk þess var ákveðið að hátíðahöld vegna 17. júní árið 2020 verði haldinn á Eskifirði undir stjórn Austra.