Fjarðabyggð hvetur íbúa, fyrirtæki og stofnanir til að fagna fjölbreytileikanum í tilefni Hinsegin daga sem fram fara 8. - 13. ágúst og sýna þannig mannréttindabaráttu hinsegin samfélagsins mikilvægan stuðning.
Ljósmynd: Marteinn Þór Pálmason
Laugardaginn 12. ágúst verður farið í Hinsegin göngu á Seyðisfirði og hvetjum við öll til að mæta í hana.
Í desember á síðasta árs skrifuðu Fjarðabyggð og Samtökin ‘78 um samstarfssamning um þjónustu samtakanna við sveitarfélagið. Markmiðið með slíkum samning er að stórefla hinsegin fræðslu og meðvitund um hinsegin málefni í sveitarfélaginu en á sama tíma að styðja við það fræðslustarf um hinsegin málefni sem nú þegar er unnið á vinnustöðum og skólum Fjarðabyggðar
Samningurinn kveður á um að Samtökin´78 veiti Fjarðabyggð þjónustu gegn ákveðnu fjárframlagi fyrir nokkra þjónustuþætti, til að mynda:
Fræðslu til starfsfólks grunnskóla í Fjarðabyggð
Fræðslu til nemenda grunnskóla í Fjarðabyggð
Fræðslu til stjórnenda Fjarðabyggðar
Endurgjaldlausa ráðgjöf Samtakanna´78 til ungmenna í Fjarðabyggð
Fræðslu til starfsfólks leikskóla í Fjarðabyggð
Fræðslu til félags- og frístundamiðstöðva í Fjarðabyggð
Haldin hefur verið einn fræðslufundur fyrir starfsfólk grunn- og leikskóla. Og er skipulagning hafin fyrir haustið á enn fleiri fræðslufundum í samstarfi við Múlaþing.
