Þann 17. júní sæmdi forseti Íslands 14 Íslendinga heiðursmerki hinnar Íslensku fálkaorðu. Meðal þeirra sem hlaut orðuna að þessu sinni var Sigurborg Einarsdóttir frá Eskifirði, en hún hlut fálkaorðuna fyrir framlag sitt til heilbrigðisþjónustu í heimabyggð.
29.06.2020
Sigurborg Einarsdóttir sæmd fálkaorðunni
Sigurborg er fædd á Ísafirði árið 1932. Hún er menntuð ljósmóðir og hjúkrunarfræðingur og starfaði á Eskifirði frá árinu 1963 sem ljósmóðir, héraðshjúkrunarkona og síðar hjúkrunarforstjóri í 34 ár. Sigurborg var einnig ötul í ýmsum trúnaðarstöfum og var m.a. fyrsti formaður ljósmæðrafélags Austurlands árið 1975.
Fjarðabyggð sendir Sigurborgu innilegar hamingju óskir, og þakkir fyrir óeigingjarnt starf í þágu heilbrigðismála á svæðinu í áratugi.