Hlutverk nefndarinnar er að stuðla að efldum forvörnum til að auka öryggi, fækka slysum og tjónum  Nefndin taki reglubundið fyrir á fundum sínum skipulag öryggis- og forvarnarmála, áhættur, forvarnir, tjónayfirlit, ferlamál og tilkynningar, þjónustustig og samskipti vátryggingartaka og vátryggjanda, bótaúrskurði og nýmæli í tryggingarmálum auk verkefna sem útlistuð eru í forvarnarsamstarfi Fjarðabyggðar og VÍS í viðauka I í samningi Fjarðabyggðar og VÍS um tryggingar.  

Nefndin mun funda reglubundið eða að lágmarki annan hvern mánuð í upphafi verkefnisins. Nefndin skal skila á hálfsársfresti greinargerð til bæjarráðs um framvindu forvarnarmála auk þess sem fulltrúi VÍS komi árlega á fund bæjarráðs og fari yfir stöðu mála ásamt því að uppfylla ákvæði viðauka I um forvarnarfræðslu til stjórnenda.

Nefndina skipa

• Stjórnsýslu og þjónustusvið – forstöðumaður stjórnsýslusviðs
• Fjölskyldusvið – félagsmálastjóri
• Grunnskólar – skólastjóri Grunnskóla Reyðarfjarðar
• Leikskólar – skólastjóri Leikskólans Kærabæjar
• Slökkvilið – slökkviliðsstjóri
• Framkvæmda-, umhverfis- og veitusvið – sviðsstjóri FUV
• Fulltrúi frá VÍS situr fundi nefndarinnar