Nýju sviði er bætt við stjórnkerfið sem ber heitið umhverfis- og skipulagssvið. Sviðið verður undir stjórn nýs sviðsstjóra.  Með því eru leyfismál og eftirlit framkvæmda og umhverfismála samþætt skipulagsmálum, sem leggur áherslu á þátt umhverfismála í starfsemi sveitarfélagsins.  

Til að fylgja eftir áherslum í mannauðsstefnu, sem lúta að vinnuvernd og sálfélagslegum þáttum á vinnustöðum, verður ráðinn mannauðsstjóri sem er nýtt starf á stjórnsýslu- og þjónustusviði. Undir starfið falla jafnframt persónuverndarmál.  Með þessu er undirstrikuð áhersla á mikilvægi mannauðsmála en starfsmenn sveitarfélagsins og stofnana eru liðlega 500.

Sameinuð eru störf framkvæmdastjóra hafna og yfirhafnarvarðar í eitt starf sem heyrir undir  framkvæmdasvið.  Daglegur rekstur hafna verður þar með allur í umsjón framkvæmdasviðs.  Bæjarstjóri verður jafnframt hafnarstjóri og ber ábyrgð á starfsemi hafnarinnar með vísan til hafnalaga.