Söngvarar Óperunnar flytja nokkrar af fegurstu perlum óperusögunnar og leikarar Þjóðleikhússins, Ólafía Hrönn Jónsdóttir og Örn Árnason, leiða áhorfendur í gegnum söguna. Fróðleik og skemmtun er fléttað saman þegar saga óperunnar er rakin frá hirðsölum Ítalíu að Íslands ströndum.
Dagskráin sækir meðal annars innblástur í ástarstjörnu Jónasar Hallgrímssonar yfir Hraundranga og kvöldstjörnu Richards Wagners. Ólafur Egill Egilsson sér um handrit og leikstjórn og Richard Schwennicke er tónlistarstjóri.