Viðburðir

BRAS – Menningarhátíð barna og ungmenna á Austurlandi verður haldin dagana 21. september til 11. október. Fjölbreytt dagskrá verður í boði um allt Austurland fyrir börn, ungmenni og fjölskyldur.

Krabbameinsfélag Austfjarða býður upp á fjölbreytta viðburði í Bleikum október. Á dagskránni eru meðal annars kaffihús við Gilsárfoss, vatnsleikfimi, zumba, Fjarðagusa og bleikar messur.

Hljómsveitin Nýdönsk blæs til sinna árlegu hausttónleika. Eins og fullkomið farartæki brunar sveitin áfram á vegum tónlistarinnar og sér ekki fyrir endann á ævintýrinu endalausa.

Næturhiminn er verkefni sem byggir á listsköpun listamannsins Alejöndru Aguilar Caballero þar sem hún gerir tilraunir með liti og vatn til að skapa einþrykk innblásin af næturhimninum í Noregi.

Sjötta pólska kvikmyndahátíðin í Fjarðabyggð sækir nýjustu verk pólskrar kvikmyndagerðar og dregur upp djúpt og sjálfsgagnrýnið portrett af samfélagi á hreyfingu og í umbreytingu. Með því að tefla listrænum tjáningaraðferðum nútímans fram í samtal við menningarleg táknkerfi hins nú fjarlæga níunda áratugar dregur hátíðin fram samfellu þjóðlegrar orðræðu í samfélagslega meðvitaðri kvikmyndagerð. Í ljósi þeirra víðtæku félagslegu og pólitísku umbreytinga sem einkenna samtíma okkar virðist þessi orðræða eiga brýnna erindi en nokkru sinni fyrr.

Blakkát eftir Björk Jakobsdóttur er farsakennt leikrit um alkóhólisma, minnisleysi, mannlegan breyskleika og markaleysi. Hvað er ekki fyndið við það?

Silkiprentsmiðja með Gillian / Screen Printing Workshop with Gillian

Zumba með Lilju Björk verður í íþróttasalnum á Breiðdalsvík. Viðburðurinn er hluti af dagskrá Krabbameinsfélags Austfjarða í Bleikum október.

Krabbameinsfélag Austfjarða býður til Bleiks kvölds í Skrúð á Fáskrúðsfirði miðvikudaginn 21. október. Við ætlum að eiga saman skemmtilegt kvöld þar sem tónlist, hlátur og góð samvera verða í fyrirrúmi. Öll velkomin.