Franskir dagar á Fáskrúðsfirði 15.–19. júlí
Franskir dagar fara fram á Fáskrúðsfirði dagana 15.–19. júlí 2026. Fjölbreytt dagskrá verður í boði fyrir alla fjölskylduna, meðal annars tónleikar, íþróttir, skemmtun og hátíðardagskrá í bænum.
Miðvikudagur 15. júlí
17:00 – Ganga í aðdraganda hátíðar
Mæting á Öldunni og gengið upp með Naustánni. Börn komi í fylgd með fullorðnum. Göngufélag Suðurfjarða stendur fyrir göngunni.
19:00 – HM-leikur sýndur
Spennandi leikur á HM sýndur í Skrúð. Húsið opnar kl. 18:30.
21:00 – Þjófstart Franskra daga í boði Gull léttöl
Hinn bráðskemmtilegi Ási Guðna með pöbbkviss og gamanmál í Skrúð. Frítt inn og 18 ára aldurstakmark. Ási hefur leik fljótlega eftir leikinn á HM.
Fimmtudagur 16. júlí
13:00 – Tour de Fáskrúðsfjörður
Hjólað verður frá Höfðahúsum við norðanverðan fjörðinn. Allir keppendur verða að vera með hjálm. Veitt verða verðlaun fyrir fyrstu þrjú sætin en allir keppendur fá þátttökuverðlaun. Spinning- og stöðvaþjálfun sér um keppnina.
19:30 – Kenderísganga og setning Franskra daga
Óvissuferð um bæinn og verður ýmislegt á boðstólum. Mæting við Uppsali þar sem hátíðin verður sett.
21:00 – PartyBingó Tony og Svens
Við opnum húsið kl. 21:00 og hefjum leik þegar fólk hefur skilað sér úr göngu. Flott verðlaun í boði og miklu stuði lofað. Spjaldið kostar 2.000 kr. og tvö spjöld 3.000 kr.
Föstudagur 17. júlí
10:30–11:30 – Minningarhlaup um Berg Hallgrímsson
Mæting við grunnskólann og hlaupið að minnisvarða um Berg við Búðaveg 36.
13:00 – Örtónleikar í Fáskrúðsfjarðarkirkju
Berta Dröfn Ómarsdóttir, sópran, og Svanur Vilbergsson, gítarleikari, flytja ljúfa tóna á örtónleikum. Frítt inn.
14:00 – Dorgveiðikeppni
Keppnin fer fram á bæjarbryggjunni neðan við Fram. Munið eftir björgunarvestum.
16:00 – Trjónubolti
Við rifjum upp gamla hefð og endurvekjum trjónuboltann. Trjónuboltinn fer fram á skólavellinum og er fyrir 14 ára og eldri. Árið gildir.
18:00 – Fótboltaleikur á Búðagrund
Það verður stórleikur þegar Leiknir mætir Reyni H í utandeild KSÍ í fótbolta. Mætum, styðjum og sjáum alvöru tilþrif.
18:00 – Pálmi Gunnars í Fáskrúðsfjarðarkirkju
Pálmi Gunnars flytur sín vinsælustu lög og segir skemmtilegar sögur frá ferlinum. Með honum verður Þórir Úlfars. Forsala miða á Tix.is. Miðinn kostar 3.500 kr.
21:00–23:30 – Brekkutónleikar Franskra daga við Búðagrund
Fram koma Emmsjé Gauti í boði Fosshótel, Pálmi Gunnars í boði Loðnuvinnslunnar, Diljá í boði Sparisjóðs Austurlands, Orfeus og Siggi Þorbergs með fjöldasöng. Kynnir verður Mikael Kaaber.
23:30 – Flugeldasýning
Björgunarsveitin Geisli skýtur upp glæsilegri flugeldasýningu eins og henni einni er lagið.
23:59–03:00 – Skrúðsgleði
Siggi Þorbergs verður í hörku stuði með gítarinn. 18 ára aldurstakmark. Frítt inn í boði Loðnuvinnslunnar.
Laugardagur 18. júlí
10:00 – Helgistund í Frönsku kapellunni
Helgistund á vegum þjóðkirkjunnar og kaþólsku kirkjunnar á Austurlandi. Franska kapellan er staðsett í frönsku húsabyggingunni rétt við Franska spítalann.
11:00 – Minningarathöfn í Franska grafreitnum
Minnst er franskra sjómanna sem látist hafa á Íslandsmiðum og blómsveigur lagður að minnisvarða um þá. Sóknarprestur stýrir stundinni með þátttöku kaþólsku kirkjunnar á Austurlandi.
Fólk er hvatt til að fjölmenna. Þau sem eiga íslenska þjóðbúninga eru hvött til að mæta í þeim við þessa hátíðlegu athöfn. Íslenska lopapeysan er líka vel við hæfi.
11:00 – BMX-brós með hjólanámskeið í boði Landsbankans
Snillingarnir BMX-brós verða með námskeið fyrir hressa krakka. Allir þátttakendur verða að hafa hjálm. Námskeiðið fer fram á Skólavegi framan við sundlaugina.
13:00 – Örtónleikar í Fáskrúðsfjarðarkirkju
Berta Dröfn Ómarsdóttir, sópran, og Svanur Vilbergsson, gítarleikari, flytja ljúfa tóna á örtónleikum. Frítt inn.
13:30 – Búningahlaup Latabæjar
Hlaupið er ætlað börnum á öllum aldri og eru þátttakendur hvattir til að mæta í skrautlegum klæðnaði. Mætt er við kirkjuna og hlaupið að hátíðarsvæði. Þátttakendur fá glaðning frá Eyjabita að hlaupi loknu.
14:00 – Hátíð í bæ
Glæsileg dagskrá fyrir alla fjölskylduna sem fram fer á Skólavegi. Fram koma Íþróttaálfurinn, Emmsjé Gauti í boði Fosshótel og BMX-brós í boði META. Kynnir verður Mikael Kaaber.
Einnig verður hið árlega happdrætti Franskra daga þar sem nóg er að vinna og veitt verða verðlaun fyrir best skreytta húsið. Að auki verður vöfflusala í Skrúð og afþreying fyrir yngstu kynslóðina við hátíðarsvæðið.
16:00 – Orfeus með opna æfingu
Hljómsveitin Orfeus kemur saman eftir langt hlé og verður með opna æfingu í Norðurljósahúsinu. Frítt inn og allir velkomnir.
17:00 – Íslandsmeistaramótið í Pétanque
Spilað er á sparkvellinum við grunnskólann. Skráning á staðnum. Bráðskemmtilegt franskt kúluspil fyrir alla fjölskylduna.
20:30–22:30 – Sumarfjarðaball með Daniil og DJ Loga Snæ
Fjarðaball í Skrúð fyrir ungmenni fædd 2008–2013. Verð er 2.000 kr. og er selt inn við inngang. Sömu reglur gilda og á félagsmiðstöðvarböllum og ógildir ölvun miðann. Athugið að rúta fer frá Neskaupstað.
23:59–03:00 – Stórdansleikur Franskra daga
Skítamórall, Daniil og DJ Logi Snær sjá um stórdansleikinn að þessu sinni. Aldurstakmark er 18 ára. Verð er 3.900 kr. í forsölu á Tix.is en 4.900 kr. við hurð.
Sunnudagur 19. júlí
10:30 – Í kósýstuði með Guði
Helgistund í Fáskrúðsfjarðarkirkju þar sem tengslin við Gravelines verða í forgrunni. Tilvalið er að hittast og njóta samverunnar. Tónlistaratriði í boði Fáskrúðsfjarðarkirkju.
12:00 – Örtónleikar í Fáskrúðsfjarðarkirkju
Berta Dröfn Ómarsdóttir, sópran, og Svanur Vilbergsson, gítarleikari, flytja ljúfa tóna á örtónleikum. Frítt inn.
13:00 – Félagsvist í Glaðheimum
Færð þú bara slag í nóló? Þátttökugjald er 2.000 kr. og innifalið er kaffi og með því.
13:00 – Leikhópurinn Lotta með Litaland í boði Loðnuvinnslunnar
Leikhópurinn Lotta sýnir Litaland á hátíðarsvæði á Skólavegi. Frábær skemmtun fyrir alla fjölskylduna.
14:00 – Frisbígolfmót við Búðagrund
Skráning á staðnum og koma keppendur með sína eigin diska.
19:00 – Úrslitaleikur HM í fótbolta
Leikurinn verður sýndur í Skrúð og húsið opnar kl. 18:30.
Dagskráin er birt með fyrirvara um breytingar.