Hvaðan koma hugmyndir að sögum, hvernig verða persónur til og þurfa allar sögur að enda vel? Þessum spurningum og fleirum verður velt upp í ritlistarsmiðjum sem verðlaunarithöfundurinn Bergrún Íris Sævarsdóttir leiðir á Reyðarfirði og Fáskrúðsfirði miðvikudaginn 25. nóvember.
Í smiðjunum fá þátttakendur að spreyta sig á skapandi skrifum og persónusköpun undir leiðsögn Bergrúnar, sem hefur getið sér gott orð fyrir barnabækur sínar, bæði sem höfundur og myndhöfundur.
Smiðjurnar fara fram á bókasöfnunum á Fáskrúðsfirði og Reyðarfirði og eru öllum opnar. Þátttaka er án endurgjalds en nauðsynlegt er að skrá sig með tölvupósti á menningarstofa@fjardabyggd.is.
Ritlistarsmiðjur miðvikudaginn 25. nóvember
- Bókasafnið á Reyðarfirði: kl. 15:00
- Bókasafnið á Fáskrúðsfirði: kl. 17:00
