mobile navigation trigger mobile search trigger
DEILA share on facebook share on twitter
 

Fjölmiðlatorg

Á fjölmiðlatorgi Fjarðabyggðar má nálgast á einum stað fréttir af vef sveitarfélagsins og tilkynningar, merki þess og annað sem gagnast kann störfum fjölmiðla. Stefna Fjarðabyggðar í upplýsinga- og kynningarmálum er að veita góðar og gagnsæjar upplýsingar um nærsamfélagsþjónustu sveitarfélagsins og réttindi íbúa. Áhersla er lögð á góð samskipti við fjölmiðla og stuðning við samfélagslegt hlutverk þeirra. Lögum samkvæmt ber sveitarfélagið einnig ríka upplýsingaskyldu gagnvart íbúum um málefni þess og ákvarðanir, bæði hvað þjónustu varðar, fjárhag og umhverfi og þau markmið sem að er stefnt.

Hér má nálgast Samskiptastefnu Fjarðabyggðar

Vörumerkjahandbók 

Auglýsingar og auglýsingastyrkir

Allar beiðnir um auglýsingar og auglýsingastyrki skal berast á netfangið auglysing@fjardabyggd.is                                                           

Frekari upplýsingar veitir upplýsingafulltrúi.

Upplýsingafulltrúi Fjarðabyggðar

Haraldur Líndal Haraldsson
Netfang: haraldur.haraldsson@fjardabyggd.is 

Beinn sími: 470 9092
Farsími: 697 7335

Fréttir

Bráðabirgða tjaldsvæði tekið í notkun á Norðfirði

07.07.2025 Bráðabirgða tjaldsvæði tekið í notkun á Norðfirði

Komið hefur verið upp bráðbirgðatjaldsvæði á túni á Bökkunum á Norðfirði ofan Bakkavegar þar sem fyrrum var tjaldsvæði.  Tjaldsvæðið er án þjónustu en salernisaðstaða er við áningarstað Fólkvangsins og þar má losa minniháttar úrgang ferðamanna.  Þá eru nokkur tenglabox fyrir ferðavagna.  Á svæðinu hafa verið afmarkaðir blettir sem eru lokaðir þar sem jarðvegur er blautur og þolir illa umferð.  Mikilvægt er að gengið sé snyrtilega um svæðið en það þolir takmarkað álag.

Lesa meira

Tilkynningar

Aðalskipulagsbreyting á Eskifirði

07.07.2025 Aðalskipulagsbreyting á Eskifirði

Fjarðabyggð kynnir lýsingu vegna breytingar á Aðalskipulagi Fjarðabyggðar 2020-2040 á Eskifirði og nýs deiliskipulags fyrir Dal 3.

Aðalskipulagsbreytingin felst í því að hlutverkum reita ÍB-202 (íbúðarbyggð norðan Dalbrautar) og  AF-200 (tjaldsvæði) er víxlað. Þannig myndast betri samfella í byggðinni og sneitt er hjá lítilsháttar hættu sem byggð norðan Dalbrautar kann að stafa af ofanflóðum. Að auki er auðveldara að byggja á flötum áreyrum en í hallanum við hlíðarfótinn. Um leið er unnið að deiliskipulagi fyrir Dal 3, sem nær til framangreindra reita og vesturhluta reits ÍB-200 (þ.e. vestan Dals 2).

Óskað er eftir því að íbúar og aðrir hagsmunaaðilar kynni sér lýsinguna og komi á framfæri ábendingum um það sem hafa þarf í huga við mótun skipulagstillagna. Gögn er að finna í skipulagsgátt www.skipulagsgatt.is mál nr. 942/2025 og á vef sveitarfélagsins. Ábendingum skal skila í skipulagsgátt í síðasta lagi þann 18. ágúst 2025.

Lesa meira

HÖNNUNARSTAÐALL

Hönnunarstaðall setur ramma utan um notkun byggðarmerkis Fjarðabyggðar í prent- og kynningarmálum sveitarfélagsins. Hönnunarstaðallinn er leiðbeinandi tæki fyrir starfsfólk Fjarðabyggðar sem og aðra er koma að kynningarmálum, rafrænt sem og prentuðum. Sveitarfélagið Fjarðabyggð notar merki Fjarðabyggðar á öll gögn, auglýsingar, kynningar, útgáfur og ytri merkingar til að auðkenna starfsemi Fjarðabyggðar. Fylgja skal þessum hönnunarstaðli og ekki má í neinum tilvikum breyta litum merkisins. Hönnunarstaðallinn er ekki tæmandi og ef vafa atriði koma upp varðandi notkun byggðarmerkisins skal hafa samband við upplýsingafulltrúa Fjarðabyggðar.

Nánari útfærslur og dæmi má finna í Hönnunarstaðli og merkjunum er hægt að hlaða niður héðan.