Frítt er í sundlaugar Fjarðabyggðar dagana 23.–30. september í tilefni af Íþróttaviku Evrópu. Íbúar og gestir eru hvattir til að nýta tækifærið til að synda, njóta samveru og slaka á í heita pottinum.
Íþróttavikan er hvatning til að hreyfa sig meira og prófa eitthvað nýtt. Víða um sveitarfélagið er boðið upp á fjölbreytta dagskrá og er þátttaka í öllum viðburðum vikunnar ókeypis.
Taktu sundfötin með og skelltu þér í sund!
Öll dagskrá Íþróttaviku Evrópu er í viðburðadagatali Fjarðabyggðar.