Í síðustu viku var fundað á Breiðdalsvík, Stöðvarfirði og Fáskrúðsfirði. Í gær voru svo fundir á Reyðarfirði og Eskifirði og í dag og kvöld verða svo síðustu tveir fundirnir, á Mjóafirði og í Neskaupstað kl. 20:00. Fundirnir hafa allir verið ágætlega sóttir og gengið vel. Fulltrúar sveitarfélaganna í nefndinni hafa þar kynnt tillögu sína um sameiningu og svarað fyrirspurnum fundarmanna um málið.
Íbúar eru hvattir til að kynna sér tillöguna á heimasíðum sveitarfélagana en þar má finna ítarlegar upplýsingar um málið.