Bæjarráð

Framlögð drög að kaupsamningi vegna sölu Bakkabakka 15 til Leigufélagsins Bríetar ehf. Bæjarstjóra falið að ljúka við endanlegan samning við Bríeti og undirritun hans í framhaldi af því.

Vísað frá fjölskyldunefnd til afgreiðslu bæjarráðs tillögu um að gengið verði til samninga við Sparisjóð Austurlands um leigu á hluta af efri hæðinni að Egilsbraut 25, undir starfsemi Vinasels, skólaárið 2026-2027.

Bæjarráð samþykkir að gengið verði til samninga um leigu á fyrirliggjandi forsendum.

Vísað frá fjölskyldunefnd til afgreiðslu bæjarráðs drögum að endurnýjuðum samningi við Lyftingafélag Reyðarfjarðar um þjálfun í Janusarverkefninu.

Bæjarráð samþykkir samninginn og felur bæjarstjóra undirritun hans.

Vísað frá fjölskyldunefnd til afgreiðslu bæjarráðs drögum að endurnýjuðum samningi við Knattspyrnufélag Austfjarða um þjálfun í Janusarverkefninu.

Bæjarráð samþykkir samninginn og felur bæjarstjóra undirritun hans.

Fulltrúi Ofanflóðasjóðs og verkfræðistofunar Verkís mættu á fundinn og farið var yfir stöðu framkvæmda við ofanflóðavarnir í Fjarðabyggð.

Farið yfir framkvæmdir við Eskifjarðarhöfn, hafnaraðstöðu við Leirubakka. Ljóst er að umfangsmiklar dýpkunarframkvæmdir þurfa að fara fram við Leirubakka í vor og því þarf að ljúka öðrum undirbúningsframkvæmdum fyrir þann tíma. Bæjarráð samþykkir að gengið verði til samninga vegna þessa á þeim forsendum að framkvæmdum verði lokið fyrir 15. maí nk. Bæjarstjóra er falin frágangur samninga og unndirritun þeirra.

Stefna um opinbera þjónustu lögð fram til kynningar.

Framlögð drög að spurningakönnun til kjörina fulltrúa. Könnunin verður send á alla kjörna fulltrúa í Fjarðabyggð á næstunni.

Framlagt til kynningar frumvarp til laga frá atvinnuvegaráðherra um lax- og silungsveiði.

Framlagt til umsagnar frumvarp til laga frá atvinnuvegaráðherra um lagareldi. Bæjarstjóra falið að vinna umsögn vegna málsins.

Framlagt til umsagnar frumvarp til laga um breytingu á lögum um verndar- og orkunýtingaráætlun - vindorka og verndarflokkar. Bæjarstjóra falið að vinna umsögn vegna málsins.

Framlögð til kynningar fundargerð 996. fundar stjórnar Sambandsins frá 20. mars 2026.

Fundargerð stjórnar Samtaka orkusveitarfélaga nr. 90. lögð fram til kynningar

Fundargerðir frá aðalfundi Sambands sveitarfélaga á Austurlandi og ársfundi Austurbrúar lagðar fram til kynningar.

Fundargerð fjölskyldunefndar frá 23. mars tekin til umfjöllunar og afgreiðslu.

Fundargerð stjórnar menningarstofu frá 23. mars tekin til umfjöllunar og afgreiðslu.

Fundargerð ungmennaráðs frá 10. mars tekin til umfjöllunar og afgreiðslu.