Skipulags- og framkvæmdanefnd

Umsókn um lóð Grímseyri 5, 750 Fáskrúðsfirði. Skipulags- og framkvæmdanefnd samþykkir framlagt lóðarblað og breytingu á byggingarreit samkvæmt uppfærðu deiliskipulagi. Reiturinn færist og er um 4 metra frá Grímseyri. Nenfdin samþykkir að úthluta lóðinni og vísar henni til endanlegrar afgreiðslu í bæjarráði.

Byggingarleyfi Búðareyri 11-13 - Saltskemma. Skipulags- og framkvæmdanefnd samþykkir byggingaráformin og felur byggingarfulltrúa að gefa út byggingarleyfi þegar öllum tilskyldum gögnum hefur verið skilað.

Auglýsingu á breytingu á deiliskipulagi Miðbæjar Reyðarfjarðar Búðareyri 12 er lokið. Ekki bárust efnislegar athugasemdir en umsagnir bárust frá Vegagerðinni og Minjastofnun. Tillagan var auglýst 9.02.2026 - 23.03.2026. Í framhaldi af auglýsingu kom í ljós að erfitt yrði að koma þremur húsum fyrir á reitnum og tillögunni því breytt þannig að gert er ráð fyrir tveimur húsum í stað þriggja. Auk þess var aðkomu að lóðinni breytt og er hún nú frá Búðareyri. Skipulags- og framkvæmdanefnd samþykkir áorðnar breytingar og felur skipulagsfulltrúa að auglýsa niðurstöður nefndarinnar. Málinu er vísað í bæjarstjórn til afgreiðslu.

Borist hefur umsókn um byggingarleyfi fyrir viðbyggingu að Skólavegi 50A á Fáskrúðsfirði. Fyrir liggur að taka afstöðu til grenndarkynningar á umsókninni. Skipulags- og framkvæmdanefnd felur skipulagsfulltrúa að grenndarkynna byggingaráformin fyrir Skólavegi 50 og 52a.

Grenndarkynningu er lokið og barst ein umsögn á auglýsingatíma kynningarinnar frá Guðrúnu Óskarsdóttur. Fyrir liggur að taka afstöðu til umsagnarinnar og afgreiðslu málsins. Skipulags- og framkvæmdanefnd samþykkir óverulega breytingu á deiliskipulagi enn leggur áherslu á gott samráð milli allra hlutaðeigandi aðila. Málinu er vísað í bæjarstjórn.

Fyrirspurn varðandi lóð Garðaholt 5. Skipulags- og framkvæmdanefnd kallar eftir tillögu að breytingu á deiliskipulagi þar sem hæðarsetning hússins og sneiðing í lóðina kemur fram.

Stjórnandi þjónustu- og framkvæmdamiðstöðvar og fasteigna- og framkvæmdafulltrúi leggja fram minnisblað vegna kostnaðar og lausna vegna erindi fjölskyldusviðs. Skipulags- og framkvæmdanefnd felur stjórnanda þjónustu- og framkvæmdamiðstöðvar að uppfæra minnisblað og vísar málinu í bæjarráð.

Lagt fram minnisblað stjórnanda þjónustu- og framkvæmdamiðstöðvar vegna hleðslu við gamla barnaskólann á Eskifirði. Skipulags- og framkvæmdanefnd samþykkir að ganga að tillögu tvö eins og lagt er til í minnisblaðinu og vísar málinu í bæjarráð.

Niðurstöður verðkönnunar á endurbótum á B-húsi Grunnskólans á Reyðarfirði. Skipulags- og framkvæmdanefnd samþykkir að ganga til samninga við lægstbjóðanda, VHE ehf.

Umsókn um framkvæmdaleyfi til grjótnáms úr námu í landi Hvalness í Stöðvarfirði. Skipulags- og framkvæmdanefnd samþykkir fyrirhugaðar framkvæmdir og felur skipulagsfulltrúa að gefa út framkvæmdaleyfi.

Umsókn um byggingarleyfi fyrir viðbyggingu við Hæðargerði 1a. Skipulags- og framkvæmdanefnd telur byggingaráformin samræmast gildandi deiliskipulagi og samþykkir einnig byggingaráformin og felur byggingarfulltrúa að gefa út byggingarleyfi þegar öllum tilskyldum gögnum hefur verið skilað.