Unnið er að merkingum á ruslatunnum við heimili á þeim stöðum þar sem útskiptum er lokið. Þetta er tímafrekt verkefni og verða íbúar að sýna merkingum á tunnum biðlund. Þau heimili sem hafa fengið tvískipta tunnu geta þó farið að flokka í sínar tunnur, þegar tæmingu á grænu hefur verið lokið. Lagt er upp með að þær 240 lítra tunnur sem eftir verða, verði nýttar undir eftirfarandi flokka:
- Græn tunna verði öllu jafna undir pappír/pappa
- Grá tunna verði öllu jafna undir plast.
Áhugasamir íbúar sem vilja merkja plast og pappír/pappi tunnurnar sínar sjálfir, geta sótt sér límmiða á bæjarskrifstofu Fjarðabyggðar Hafnargötu 2 og fengið leiðbeiningar.