Sorphirða

• Í sérbýlum verða þrjár tunnur, þar af ein tvískipt:
  • 240 lítra tvískipt tunna fyrir blandaðan og lífrænan úrgang
  • 240 lítra tunna undir pappa og pappír
  • 240 lítra tunna undir plast
• Í fjölbýlum verður útfærslan aðlöguð að aðstæðum, en fjórir flokkar verða alltaf til staðar.
• Íbúar þurfa ekki að panta nýjar tunnur, en gera þarf ráð fyrir að plássið dugi fyrir fleiri tunnur.
• Tunnur verða merktar með samræmdum merkingum frá FENÚR, þannig að litur tunnunnar skiptir ekki lengur máli – aðeins merkingin.

Öll heimili munu flokka í eftirfarandi fjóra flokka:

• Matarleifar – t.d. kjöt, fiskur, bein, brauð, sælgæti, grænmeti, ávextir og kaffikorgur. 
  Notið maíspoka í eldhúsinu; þeir brotna betur niður en plastpokar.
• Plastumbúðir – t.d. plastpakkningar utan af matvælum, hreinsivörum og öðru heimilisplasti.
• Pappír og pappi – t.d. dagblöð, tímarit, bréfpokar, pítsukassar og pappírsumbúðir.
• Blandaður úrgangur – allt sem ekki er hægt að endurvinna, s.s. bleyjur, blautklútar, ryksugupokar, kattasandur og bökunarpappír.

• Íbúar geta óskað eftir körfu fyrir matarleifar ef þeir hafa ekki þegar fengið slíka körfu.
• Maíspoka er hægt að kaupa í helstu matvörubúðum, t.d. í Krónunni á Reyðarfirði.
• Mælt er með að skipt sé um poka á 2–3 daga fresti, jafnvel þótt hann sé ekki fullur, til að forðast lykt og leka.
• Grenndarstöðvar verða við allar söfnunarstöðvar í Fjarðabyggð. Þar verður tekið á móti málmum, gleri og textíl, auk þess sem þar verða gámar fyrir pappír/pappa og plast.

Þriggja tunnukerfi mun saman standa af þremur tunnum: 

• 240 L tunnu undir plast
• 240 L tunnu undir pappa
• 240 L tvískiptri tunnu undir lífrænan og blandaðan úrgang. 

Fjögurra tunnukerfi verður fyrir heimilin að hafa fjórar tunnur: 

• 240 L tunnu undir plast
• 240 L tunnu undir pappa
• 240 L tunnu undir blandaðan úrgang
• 140 L tunnu undir lífrænan úrgang 

Fjórar tunnur munu bera aukalegt gjald fyrir heimili. 

Sveitarfélagið mun sjá um að skipta út brúnu tunnunni fyrir tvískipta tunnu. Þau heimili sem kjósa að hafa fjórar tunnur munu bera kostnað af fjórðu tunnunni, það er tunnu undir blandaðan úrgang. Kostnaður ákvarðast í gjaldskrá sveitarfélagsins.

Hægt er að sækja um fjórðu tunnuna þegar nær dregur inn á íbúagátt Fjarðabygðar undir ,,Umsóknir" og ,,Skipulags- og framkvæmdasvið".

Já, það koma til með að verða breytingar á sorphirðugjöldum. Ný lög kveða á um að sveitarfélögum er ekki lengur heimilt að borga með sorphirðu fyrir íbúa, en það hefur Fjarðabyggð gert hingað til. 

Gjaldskrá fyrir meðhöndlun úrgangs og sorphirðu í Fjarðabyggð

Já, nú verða sorptunnur tæmdar á 28 daga fresti. 

Á tímabilinu 15. júní – 15. ágúst verður tvískipta tunnan (lífrænt og blandaður úrgangur) tæmd á 14 daga fresti.  

Í lögunum sem verið er að innleiða er kveðið á um að allir notist við sömu merkingar fyrir úrgang og því verða allar tunnur merktar með merkingunum. 

Liturinn á tunnunni skiptir því ekki máli eftir innleiðinguna heldur verður það eingöngu merkingin sem stýrir því hvað fer í hvaða tunnu. 

Flokkun úrgangs er gríðarlega stórt umhverfisverkefni þar sem mikilvægt er að endurnýta það sem hægt er og sporna þannig gegn ágangi á auðlindir jarðar. 

Þegar við flokkum komum við efnunum aftur inn í hringrásina og getum þannig dregið úr úrgangsmyndun. 

Ef ekki er rétt flokkað í tunnur við heimili eru skýr fyrirmæli í lögunum um það að skilja tunnurnar eftir. 

Ábyrgðin færist þá yfir á íbúa að lagfæra efnið í tunnunni þannig að hægt sé að tæma þær í næstu ferð. 

Það þarf ekki að þrífa sorpið, það er nóg að skola vel og þerra nokkuð vel. Aðal málið er að umbúðirnar séu lausar við efna- og matarleifar. 

Gott er að hafa í huga að hreinna efni skilar sér í meiri gæðum sorpsins sem skilar sér í hærri greiðslum úr úrvinnslusjóði, sem skilar sér í sorphirðugjöldin. 

Einnig fer sorpið í enn frekari flokkun þar sem starfsfólk þarf að handleika það. 

Ef horft er til heimilanna er dæmi um það sem fer í almennt: bleyjur, plástrar, tyggjó, svampar, tannþráður, límband, blautþurrkur og allskonar sem ekki er hægt að endurvinna. 

Söfnun á matarleifum eða lífrænum úrgangi er stórt skref í átt að draga úr losun gróðurhúsalofttegunda. 

Úr lífrænum úrgangi sem safnast við heimili er framleitt metangas og molta eða jarðvegsbætir. 

Metangas nýtist meðal annars sem bifreiðaeldsneyti og molta nýtist til landgræðslu. 

Matarleifum verður safnað í maíspoka sem brotna auðveldlega niður. Hægt er að nálgast maíspoka í næstu verslun. 

Já, íbúar geta notað áfram maíspoka. 

Þumalputtareglan er sú að ef þú krumpar það saman og það sprettur út aftur er það plast,ef það helst samankrumpað er það ál. 

Ef mögulegt er þá er best að taka umbúðirnar í sundur og flokka síðan. Ef það er ekki hægt þá eru oft leiðbeiningar utan á umbúðum sem segja í hvaða flokk þær fara. Ef þú ert óviss hvernig á að flokka þá er best að setja umbúðirnar með blönduðum heimilisúrgangi. 

Nei, það er betra að endurvinnsluefnið, plastið og pappírinn fari pokalaust í tunnurnar því það er betra fyrir flokkunarferlið sem efnið á eftir að fara í gegnum. 

Gjafaumbúðir úr pappír flokkast með pappír, líka þó hann sé úr glanspappír. Ef umbúðir eru úr plasti þá flokkast þær með plasti. Góð regla til að þekkja pappír og plast í sundur er að pappír rifnar auðveldlega á meðan það teygist á plastinu

Gjafabönd flokkast sem plast og er mikilvægt að þau fari í réttan farveg. Ef þau fara með almennu rusli er hætta á að böndin vefjist utan um flokkunarvélar okkar sem gerir vélarnar óstarfhæfar. 

Nei, frauðplast þarf að fara með á móttökustöðvar

Nei, málm- og glerumbúðir heyra undir endurvinnsluflokka og eru þeir aðskildir frá sérsöfnun. Þessir flokkar eiga að fara í grenndagáma sem eru staðsettir fyrir utan allar söfnunar- og móttökustöðvar í Fjarðabyggð.