Taktu þátt í samfélagsátaki: Korter fyrir kosningar
Verkefnið Mitt Atkvæði – Mín Rödd, sem styrkt er af Þróunarsjóði innflytjendamála og nýtur stuðnings Sambands íslenskra sveitarfélaga, hefur það að markmiði að efla þátttöku fólks af erlendum uppruna í lýðræðislegum kosningum.
Samband íslenskra sveitarfélaga kynnti verkefnið fyrir sveitarfélögum fyrir áramót og í kjölfarið hefur verið komið á samstarfi við 22 sveitarfélög um fræðsluvinnustofur.
Samfélagsmiðlaherferð hefst 30. apríl
Nú stendur yfir undirbúningur fyrir samfélagsmiðlaátakið „Korter fyrir kosningar“ (Election Day Countdown) sem hefst fimmtudaginn 30. apríl, þegar 16 dagar eru til kjördags, 16. maí.
👉Nánari upplýsingar um verkefni
Daglega verða birt stutt myndbönd fram að kjördegi þar sem fólk af erlendum uppruna, sem hefur kosningarétt, kemur á framfæri einföldum en mikilvægum skilaboðum á íslensku, ensku og/eða sínu móðurmáli.
👉Frekari upplýsingar á vef sveitarstjórnaskosninga 2026