Fyrsti heimaleikur Leiknis í Fjarðabyggðarhöllinni í 4.riðli A deildar lengjubikarsins er ekki af verri endanum.  Íslandsmeistarar FH koma í heimsókn nk. laugardag 5.mars kl. 12:00.  Ókeypis aðgangur.

Á sunnudaginn 6.mars tekur svo lið Fjarðabyggðar á móti Breiðabliki í 2.riðli A deildar lengjubikarsins. Sá leikur hefst í Fjarðabyggðarhöllinni kl. 12:30. 

Þetta er annar leikur beggja liða en þau fengu bæði skelli gegn Akureyrarliðunum um miðjan febrúar. Leiknir tapaði 0-5 fyrir Þór og KA rúllaði yfir Fjarðabyggð 0-8. Þess má geta,  báðum liðum til hvatningar, að KA og Þór leika bæði í 1.deildinni ( B-deild ) í sumar ásamt okkar liðum.

Hvetjum alla til að kíkja í Höllina og hvetja liðin til góðra hluta.

Hér má sjá þær breytingar sem orðið hafa á liðum Fjarðabyggðar og Leiknis frá síðasta sumri.

Leiknir - komnir:
Ísak Breki Jónsson frá Fylki
Sergio Cuesta Amella frá Quintanar del Rey á Spáni
Stefano Layeni frá Ítalíu

Leiknir - farnir:
Fernando Garcia Castellanos til Spánar
Haraldur Þór Guðmundsson í Fjarðabyggð
Paul Bodgan Nicolescu
Vignir Daníel Lúðvíksson í Þrótt Vogum

Fjarðabyggð - komnir: 
Haraldur Þór Guðmundsson frá Leikni F. 
José Alberto Djaló Embaló frá Rapid Búkarest 
Marteinn Þór Pálmason frá Leikni F. 
Oumaro Coulibaly frá Chievo á Ítalíu 
Sverrir Mar Smárason frá Kára
Sævar Örn Harðarson frá Elliða 
Víglundur Páll Einarsson frá Einherja 

Fjarðabyggð - farnir: 
Bjarni Mark Antonsson í KA (Var á láni) 
Brynjar Jónasson í Þrótt 
Carl Oscar Anderson 
Emil Stefánsson í FH (Var á láni) 
Elvar Ingi Vignisson í ÍBV 
Hafþór Þrastarson í Fram 
Ingvar Ásbjörn Ingvarsson í Leikni R. (Var á láni frá FH) 
Kile Kennedy til Ástralíu 
Nik Chamberlain í Aftureldingu 
Viðar Þór Sigurðsson í KR (Var á láni) 
Viktor Örn Guðmundsson