Í vikunni stendur yfir Góðgerðarvika Félagsmiðstöðva Fjarðabyggðar, en tólf piparkökuhús standa til sýnis í verslunarmiðstöðunni Molanum á Reyðarfirði.
Hægt er að skoða piparkökuhúsin á ganginum í Molanum
Ungmennin í félagsmiðstöðvunum gerðu piparkökuhús og skreyttu. Því næst kynntu þau sér og völdu góðgerðarmálefni til að styrkja.Ætlunin er að biðja gesti, gangandi og aðra velunnara að styrkja frábær málefni á aðventunni.
Á laugardaginn á milli 12 og 14 er svo lokadagur verkefnisins en þá ætla ungmennin úr félagsmiðstöðvunum á mæta á svæðið, kynna málefnin fyrir gestum og gangandi, bjóða upp á piparkökur, kakó og skapa skemmtilega stemningu með frábærum tónlistaratriðum og jólagleði. Auk þess verður uppboð á piparkökuhúsunum.
