Áhugasömum gefst kostur á að taka þátt í samtali um mótun, starfsemi og framtíð Stríðsárasafnsins á opnum fundi þriðjudaginn 18. ágúst.
Fundurinn verður haldinn á Stríðsárasafninu og hefst kl. 17:30. Þar munu Sara Blöndal, sýningarstjóri nýs Stríðsárasafns, og starfsfólk Menningarstofu ræða hugmyndir og framtíðarsýn safnsins með fundargestum.
Öll áhugasöm eru hvött til að mæta, taka þátt í samtalinu og koma sínum sjónarmiðum á framfæri.