Kvæðaball

Innblásið af fyrri viðburðum Kvæðakórsins býður Kvæðaball upp á kvöldstund í Sköpunarmiðstöðinni þar sem kvæði, sagnamiðlun, kvöldverður og samstarf við austfirskt tónlistarfólk fléttast saman. Með flutningi, samtali, leikrænum þáttum og handgerðum hlutum úr náttúrulegum og endurunnum efnivið fagnar viðburðurinn austfirskum þjóðsögum í samtímalistrænu samhengi. Kvöldið er hugsað sem hlý og skapandi samvera sem tengir saman aðkomulistafólk, heimafólk og samfélagið í kringum Innsævi.