14.02.2020
6. og 7. bekkur Grunnskóla Reyðarfjarðar í Krakkasvari
Krakkar í 6. og 7. bekk Grunnskóla Reyðarfjarðar fengu á dögunum áskorun frá Grunnskóla Önundarfjarðar um að taka þátt í Krakkasvari á RÚV.
Fréttir
13.02.2020
Slæm veðurspá á morgun 14. febrúar - Skólar verða opnir
Veðurstofa Íslands gerir ráð fyrir mjög slæmu veðri um allt land á morgun, föstudaginn 14. febrúar. Gert er ráð fyrir mikilli úrkomu og miklum vindi. Ekki er þó talin ástæða til að fella niður skólahald vegna þessa og munu allir skólar Fjarðabyggðar verða opnir. Foreldrar eru beðnir um að meta það hvort þeir senda börn sín í skólann eða ekki. Þeir foreldrar sem senda börnin í skóla eru beðnir að fylgja þeim til og frá skóla. Þeir foreldrar sem ákveða að börnin verði heima eru beðnir að láta viðkomandi skóla vita.
12.02.2020
Sorphirðu flýtt vegna slæmrar veðurspár
Sorphirðu verður flýtt þessa vikuna vegna slæmrar veðurspár á föstudag. Stefnt er að því að búið verði að tæma tunnur í öllum bæjarkjörnum seinni partinn á fimmtudaginn.
12.02.2020
Milljarður rís í Neskaupstað föstudaginn 14. febrúar
Dansveislan Milljarður rís verður haldin í íþróttahúsinu Neskaupstað, föstudaginn 14. febrúar á milli 12:15 og 13:00. Þar mun fólk sameinast og dansa af krafti fyrir betri heimi.
10.02.2020
Kynningarfundur Æskulýðsvettvangsins
Mánudaginn 10. febrúar kl. 19:00 boðar Æskulýðsvettvangurinn til kynningarfundar um starfsemi sína. Fundurinn verður haldinn á bæjarskrifstofum Fjarðabyggðar, á 2. hæð í Molanum á Reyðarfirði.
06.02.2020
Dagur leikskólans 6. febrúar 2020
Fimmtudaginn 6. febrúar er haldið upp á Dag leikskólans í 13. sinn. Í tilefni dagsins munu starfsmenn og nemendur á leikskólum Fjarðabyggðar geta ýmislegt til að gera starfsemi leikskólanna sýnilega í bæjarkjörnum Fjarðabyggðar.
04.02.2020
Íþróttadagur grunnskólanna í Fjarðabyggð 2020
Mikil gleði og ánægja var í Eskifjarðarskóla fimmtudaginn 30. Janúar þegar Íþróttadagur grunnskólanna í Fjarðabyggð fór fram.
01.02.2020
Ungir og efnilegir leikmenn skrifa undir hjá KFF
Á dögunum skrifaði Knattspyrnufélag Fjarðabyggðar (KFF) undir samninga við alls 14 leikmenn bæði drengi og stúlkur. Allir leikmennirnir sem skrifuðu undir samninga eru uppaldir hjá félögunum í Fjarðabyggð sem standa að KFF.
31.01.2020
Verð fyrir skólamáltíðir og skóladagvist lægst í Fjarðabyggð
Samkvæmt athugun Verðlagseftirlits ASÍ í janúar 2020 er verð fyrir skólamáltíðir lægst í Fjarðabyggð og einnig heildargjöld fyrir skóladagvist og skólamáltíðir þegar horft er á 15 af stærstu sveitarfélögum landsins.
31.01.2020
Sorphirðudagatal 2020
Talsvert af fyrirspurnum hefur komið til Fjarðabyggðar að undanförnu vegna sorphirðudagatals fyrir árið 2020. Dagatalið hefur nú borist okkur og er það nú orðið aðgengilegt hér á vefnum og má finna hér: Sorphirðudagatal 2020. Beðist er velvirðingar á þeim töfum sem orðið hafa á birtingu þess.
30.01.2020
Teflt í Grunnskóla Reyðarfjarðar í tilefni af Skákdegi Íslands
Föstudaginn 24. janúar sl. tefldu nemendur í Grunnskóla Reyðarfjarðar á skákmóti í tilefni af Skákdegi Íslands.
23.01.2020
Framlenging verksamninga um ræstingu
Á dögunum var skrifað undir framlengingu á verksamningum um ræstingu á nokkrum stofnunum Fjarðabyggðar við ræstinga fyrirtækið GG Þjónustu EHF.
21.01.2020
Kveðja til íbúa á Flateyri og Suðureyri
Á fundi bæjarráðs Fjarðabyggðar þann 20.1.2019 var fjallað um atburðina á Vestfjörðum í síðustu viku þegar nokkur snjóflóð féllu á Flateyri og á Suðureyri. Bæjarráð sendi hlýjar kveðjur vestur vegna atburðanna og undirstrikaði um leið mikilvægi þess að framkvæmdum við ofanflóðavarnir verði framhaldið og fjármagn úr Ofanflóðasjóð verði verði nýtt til þess.
17.01.2020
Fjarðabyggð á Mannamóti 2020
Fjarðabyggð tók þátt í ferðasýningunni Mannamót 2020 sem haldinn var í Kórnum í Kópavogi 16. janúar. Auk Fjarðabyggðar tóku fjölmörg fyrirtæki úr Fjarðabyggð og af öllu Austurlandi þátt í sýningunni.
13.01.2020
Nýtt ábendingakerfi opnar á vefnum
Karl Óttar Pétursson, bæjarstjóri Fjarðabyggðar og Eydís Ásbjörnsdóttir, formaður bæjarráðs opnuðu formlega nýtt ábendingakerfi á vef Fjarðabyggðar að loknum bæjarráðsfundi í dag. Í hinu nýja kerfi er tekið á móti ábendingum frá íbúum Fjarðabyggðar um það sem betur má fara í þjónustu sveitarfélagsins.
13.01.2020
Gjaldfrjáls afnot bókasafna í Fjarðabyggð
Vakin er athygli á því að frá og með 1. janúar 2020 greiða íbúar Fjarðabyggðar, sem eru handhafar Fjarðakortsins, ekki árgjald að bókasöfnum Fjarðabyggðar.
06.01.2020
Bókun bæjarráðs Fjarðabyggðar vegna stöðu loðnuleitar
Á fundi sínum þann 6. janúar lýsti bæjarráð Fjarðabyggðar yfir þungum áhyggjum af stöðu loðnuleitar á Íslandsmiðum. Í bókun vegna málsins skoraði bæjarráð á Sjávarútvegs- og landbúnaðarráðherra og stjórnvöld að tryggja nú þegar fjármagn til loðnuleitar til að hægt sé að kanna með útgáfu veiðiheimilda.
05.01.2020
Nýr sviðsstjóri fjölskyldusviðs
Laufey Þórðardóttir sem ráðin var sviðsstjóri fjölskyldusviðs Fjarðabyggðar í haust hóf störf nú í byrjun janúar. Laufey er félagsráðgjafi að mennt en hefur auk þess sálfræðimenntun frá Flinders University í Ástralíu.
04.01.2020
Tafir á sorphirðu í vikunni
Vegna erfiðrar færðar hefur sorphirða í Fjarðabyggð tafist í vikunni og ljóst er að frekari röskun mun verða það sem eftir er vikunnar.
29.12.2019
Daði Þór Jóhannsson er Íþróttamaður Fjarðabyggðar 2019
Íþróttamaður Fjarðabyggðar var valinn við hátíðlega athöfn í Nesskóla í Neskaupstað sunnudaginn 29. desember. Fyrir valinu varð frjálsíþróttakappinn Daði Þór Jóhannsson úr Ungmennafélaginu Leikni Fáskrúðsfirði. Daði hefur verið tilnefndur til Íþróttamanns Fjarðabyggðar alls fimm sinnum árin 2013, 2016, 2017, 2018 og nú 2019.
19.12.2019
Jólastemmning á Hulduhlíð og Uppsölum
Það hefur svo sannarlega verið mikil jólastemmning á hjúkrunuarheimilunum í Fjarðabyggð að undanförnu. Tónlistarmenn hafa heimsótt bæði Hulduhlíð og Uppsali og flutt tónlist sína fyrir heimilisfólkið.
19.12.2019
Nafnagift á fjarlægum stjörnum
Í tilefni af 100 ára afmæli Alþjóðasambands stjarnfræðinga fór fram nafnagift á stjörnum og fylgitunglum í ljósárafjarlægð frá jörðu. Það kom í hlut Íslendinga að gefa einni stjörnu og fylgitungli þess nafn og bárust Stjarnvísindafélagi Íslands á þriðja hundrað tillögur að nöfnum. Netkosning fór síðan fram og skemmtilegt er frá því að segja að tillaga Guðmanns Þorvaldssonar kennara við Eskifjarðarskóla um nöfn hlaut náð fyrir augum kjósenda.
18.12.2019
Sala Rafveitu Reyðarfjarðar
Á fundi bæjarstjórnar Fjarðabyggðar í gær voru kaupsamningar við RARIK og Orkusöluna, um kaup á Rafveitu Reyðarfjarðar, staðfestir með sjö atkvæðum gegn tveimur. Fulltrúar Sjálfstæðisflokksins greiddu atkvæði gegn sölunni og studdu ekki bókun sem fylgdi afgreiðslu bæjarstjórnar.
18.12.2019
Sala á Rafveitu Reyðarfjarðar
Á fundi bæjarstjórnar Fjarðabyggðar í gær voru kaupsamningar við RARIK og Orkusöluna, um kaup á Rafveitu Reyðarfjarðar staðfestir með sjö atkvæðum gegn tveimur. Fulltrúar Sjálfstæðisflokksins greiddu atkvæði gegn sölunni og bókun sem fylgdi afgreiðslu bæjarstjórnar.
17.12.2019
Fjölmenni á íbúafundi á Reyðarfirði
Um 130 manns sóttu íbúafund sem haldinn var á Reyðarfirði í gær um málefni Rafveitu Reyðarfjarðar og uppbyggingu innviða á Reyðarfirði.
12.12.2019
Bókun bæjarstjórnar um málefni Rafveitu Reyðarfjarðar og tækifæri til uppbyggingar íþróttamannvirkja á Reyðarfirði
Á bæjarstjórnarfundi í dag var kynnt tillaga að sölu Rafveitu Reyðarfjarðar til RARIK/Orkusölunnar. Í framhaldið af því samþykkti bæjarstjórn að boða til íbúafundar í Grunnskólanum á Reyðarfirði mánudaginn 16. desember kl. 20 um málefni Rafveitunnar og tækifæri til uppbyggingar íþróttamannvirkja og annara innviða á Reyðarfirði.
11.12.2019
Röskun á heimaþjónustu vegna veðurs
Vegna veðurs verður einhver röskun á heimaþjónustu í dag miðvikudaginn 11. desember 2019. Fólk er beðið velvirðingar á þeim óþægindum sem þetta kann að valda.
11.12.2019
Skólar í Fjarðabyggð verða opnir í dag
Veðurstofa Íslands gerir ráð fyrir mjög slæmu veðri á Austurlandi í dag. Gert er ráð fyrir miklum vindi, milli 20 og 30 metrum á sekúndu og einhverri ofankomu. Ekki er þó talin ástæða til að fella niður skólahald vegna þessa og munu allir skólar Fjarðabyggðar verða opnir. Foreldrar eru beðnir um að meta það hvort þeir senda börn sín í skólann eða ekki.