Hinir landsþekktu tónlistarmenn Ómar Guðjónsson og Tómas R. Einarson leika lög af Bræðlagi, nýútkominni plötu þeirra félaga, í BRJÁN í Neskaupstað, sunnudagskvöldið 4. október kl. 20:30.
Bræðralag í Fjarðabyggð
04.10.2015
Gítarleikarinn Ómar Guðjónsson og kontrabassaleikarinn Tómas R. Einarsson hafa spilað saman í áratug, ýmist tveir einir eða í fjölmennari hljómsveitum. Innanlands og utan: Flatey, Djúpavík, Moskva, Andorra, Berlín, Havana, Washington DC....
Nú hafa þeir gert langþráðan draum að veruleika: að taka upp plötu þar sem þeir semja hvor fyrir annan. Þar er músíkölsk samræða æðsta markmiðið, hvort sem um er að ræða sveiflu, latíntónlist eða ballöður.
Upptakan fór fram á Kolsstöðum í Borgarfirði, á sólríkum sumardögum þar sem hvít jöklabreiða bar við augu út um upptökuglugga ásamt hrauni og blómstrandi kjarri.
Þeir félagar kynna plötuna Bræðralag á tónleikaferð um landið í haust. Í Neskaupstað halda þeir tónleika í BRJÁN sunnudagskvöldið 4. október og hefjast þeir kl. 20.30.
Verð aðgöngumiða er 2.500 kr.