Skipulags- og framkvæmdanefnd fer með eftirtalin verkefni:

Skipulagsmál

• Verkefni skipulagsnefndar, sbr. 6. gr. skipulagslaga nr. 123/2010.
• Skipulagstillögur, skipulagsskilmálar og tillögugerð til bæjarstjórnar um skipulagsáætlanir og breytingar á þeim.
• Umsóknir um framkvæmdaleyfi, samanber 1. mgr. 13. gr. skipulagslaga. Skiptingu jarða, landa, lóða og breytingu á landamerkjum samkvæmt 48. gr. skipulagslaga.

 Byggingarmál

• Verkefni byggingarnefndar samanber 7. gr. mannvirkjalaga nr. 160/2010.
• Umsóknir um byggingarleyfi og tillögugerð til bæjarráðs um afgreiðslu byggingarleyfismála sem ekki sæta fullnaðarákvörðun nefndarinnar eða byggingarfulltrúa.
• Tillögugerð til bæjarráðs um staðbundnar byggingarsamþykktir.
• Staðsetningu listaverka á almannafæri í bæjarlandinu.

 Náttúruverndar- og umhverfismál

• Verkefni náttúruverndarnefndar skv. 14. gr. náttúruverndarlaga nr. 60/2013 og verkefni gróðurverndarnefndar skv. 19. gr. laga nr. 17/1965 um landgræðslu.
• Stefnumótun í umhverfismálum og ábyrgð á gerð umhverfisáætlunar.
• Fyrirsvar varðandi fólkvanga sem bærinn á aðild að enda sé það ekki falið öðrum aðilum.
• Fegrun bæjarins og aðgerðir til að bæta umgengni með áherslu á samstarf við félagasamtök, fyrirtæki og einstaklinga.
• Umhirðu á lóðum í eigu sveitarfélagsins og á opnum svæðum bæjarins.
• Eftirlit með framkvæmdum og umhirðu á götum, gangstéttum, útvistar- og grænum svæðum í bænum, sem og á öðru landi bæjarins.
• Stefnumótun í úrgangsmálum, þ.m.t. sorphirðu, og framkvæmd á lögum nr. 55/2003 um meðhöndlun úrgangs.
• Ábyrgð á samningum um úrgangsmál, þ.m.t. söfnun, flutningi og förgun og tillögugerð til bæjarráðs um gjaldskrár varðandi meðhöndlun úrgangs.
• Dýravernd, þ.m.t. útgáfu leyfa og eftirlit með hunda- og kattahaldi.

 Umferðar- og umferðaröryggismál

• Stefnumótun í umferðaröryggismálum og aðgerðir til að auka umferðaröryggi.
• Umsjón með götumerkingum.
• Umsjón og skipulag skipulagðra samgangna.
• Ábyrgð á umferðarsamþykkt fyrir Fjarðabyggð og tillögum til breytinga á henni.
• Tillögugerð til lögreglustjóra varðandi varanleg sérákvæði um notkun vega til umferðar og aðrar ákvarðanir sem hljóta þurfa staðfestingu stjórnvalda ríkisins, sbr. 84. - 86. gr. umferðarlaga nr. 77/2019.

 Landbúnaðarmál

• Ábyrgð á samþykkt um búfjárhald og búfjáreftirlit samkvæmt lögum um búfjárhald nr. 38/2013.
• Umsjón með refa- og minkaveiðum.

 Eignaumsýslu Fjarðabyggðar

• Tillögugerð til bæjarráðs um gæðakröfur við byggingu fasteigna og viðhald þeirra.
• Tillögur til bæjarráðs að forgangsröðun viðhalds og nýframkvæmda að höfðu samráði við forsvarsmenn málaflokka og notendur húsnæðis bæjarins.
• Vörslu fasteigna bæjarins og rekstur félagslegs húsnæðis í eigu sveitarfélagsins.
• Umsjón með nýbyggingarverkefnum og hönnunar- og byggingarstjórn.

 Veitur Fjarðabyggðar

• Stjórnun Fráveitu Fjarðabyggðar á grundvelli laga nr. 53/1995 um stuðning við framkvæmdir sveitarfélaga í fráveitumálum, ákvæða laga um uppbyggingu og rekstur fráveitna nr. 9/2009 og ákvæða laga nr. 7/1998 um hollustuhætti og mengunarvarnir. Stefnumótun og umfjöllun um rekstur og nýframkvæmdir fráveitu Fjarðabyggðar. Umsjón með fráveitureglugerð Fjarðabyggðar og framkvæmd hennar.
• Stjórnun Hitaveitu Fjarðabyggðar í samræmi við reglugerð þar um.
• Stjórnun Vatnsveitu Fjarðabyggðar í samræmi við lög nr. 32/2004 um vatnsveitur sveitarfélaga og reglugerð nr. 401/2005 um vatnsveitur sveitarfélaga.

 Þjónustu- og tækjamiðstöð

• Skilgreina þjónustu sem látin er í té í þjónustu- og framkvæmdamiðstöð auk tækjamiðstöðvar.
• Ábyrgð á þjónustu og rekstri þjónustu- og framkvæmdamiðstöðvar auk tækjamiðstöðvar Fjarðabyggðar.

Í umboði skipulags- og framkvæmdanefndar fer fjallskilanefnd með ábyrgð á eftirfarandi verkefnum:

• Umsjón og eftirliti með fjallskilum og afréttarmálum.