mobile navigation trigger mobile search trigger
04.09.2018

Eskja styður Eskifjarðarskóla í tæknikennslu

Á dögunum barst Eskifjarðarskóla höfðingleg gjöf frá Eskju til eflingar tæknikennslu í skólanum. Um er að ræða búnað sem kemur til með að nýtast skólanum vel í upplýsingatækni kennslu.

Eskja styður Eskifjarðarskóla í tæknikennslu
Nemendur voru ánægðir með gjöfina.

Á vordögum tóku skólinn og Eskja höndum saman við eflingu á tæknikennslu innan skólans. Skólinn fór yfir hvað þyrfti til þess og úr varð að Eskja ákvað að færa skólanum allan búnaðinn að gjöf. Búnaðurinn styður allur við forritunarkennslu, Osmo, Sphero-kúlur og vélmennin Cue og Dash. Til þess að styðja við þetta verður upplýsingatækni kennd tvisvar í viku í öllum bekkjum. Þar mun forritun eiga stóran sess.

Erna Þorsteinsdóttir stjórnarformaður Eskju kom í skólann á föstudaginn og afhenti tækin. Nemendur í 8. bekk tóku á móti þeim fyrir hönd skólans. Þetta er afar mikilvægt skref til framtíðar og þökkum við Eskju innilega fyrir þessa frábæru gjöf. 

Á myndunum má sjá nemendur í 8. bekk með tækin og Birgi Jónsson, skólastjóra þakka Ernu Þorsteinsdóttur fyrir gjöfina.

Fleiri myndir:
Eskja styður Eskifjarðarskóla í tæknikennslu
Birgir Jónsson, skólastjóri og Erna Þorsteinsdóttir, stjórnarformaður Eskju.