Uppi eru vísbendingar um að fíflalús sé að ná útbreiðslu á Austurlandi. Lúsin, sem með stræstu blaðlúsum, er hvimleiður gestur en ekki hættulegur.
Fíflalús að gæða sér á jurtinni sem lúsin er kennd við. (Ljósm. Náttúrustofa Austurlands).
Borið hefur á því frá árinu 2014 að íbúar á Austurlandi hafi haft samband við starfsfólk Náttúrustofu Austurlands og óskað eftir greiningu á pöddum sem sjást hafa skríða um í fylkingum upp húsveggi eða skjólgarða.
Náttúrustofunni hefur borist pöddur frá Breiðdalsvík, Stöðvarfirði, Egilsstöðum og Neskaupstað. Bendir flest til að um fíflalús sé að ræða, sem er nýlegur landnemi hér á landi. Málið er í skoðun hjá Náttúrufræðistofnun Íslands, sem fylgist grannt með útbreiðslu lúsarinnar.
Fíflalúsin er dökk á lit og er meira áberandi þegar líða tekur á sumarið. Þegar reynt er að sópa eða þurrka lýsnar burt springa þær gjarnan og skilja eftir sig rauðar klessur sem líkist blóði. Svo er þó ekki.
Lúsin lifir á túnfíflum og hefur fundist í húsagörðum og í skógrækt að Mógilsá í Kollafirði. Hún heldur sig einkum á neðra borði laufblaðanna og við blaðgrunn. Henni fjölgar gríðarlega síðsumars og leitar þá í auknum mæli upp úr blaðrótinni.
Fleiri myndir:Staðfest útbreiðsla fíflalúsar. Elstu sýni Náttúrustofu Íslands eru frá 2007 og eins og sjá má hefur lúsin frá þeim tíma verið að breiðast hratt út um allt land.
