30. fundur íþrótta- og tómstundanefndar

1.

1611084 - Ósk um aðild að rekstrar- og uppbyggingarsamning

Íþrótta- og tómstundanefnd þakkar forsvarsmönnum Sjósportklúbbs Austurlands fyrir kynninguna á starfsemi félagsins. Íþrótta- og tómstundanefnd samþykkir fyrir sitt leyti aðkomu Sjósportklúbbs Austurlands að rekstrar- og uppbyggingarsamningum Fjarðabyggðar og vísar málinu til bæjarráðs.

2.

1611121 - Vinna við forvarnir fyrir árið 2017

Íþrótta- og tómstundafulltrúi gerði grein fyrir vinnu við forvarnir í Fjarðabyggð. Íþrótta- og tómstundafulltrúi hefur, í samstarfi við forstöðumenn stofnana, verið að skrá forvarnarverkefni sem framkvæmd hafa verið á fjölskyldusviði árið 2016. Í framhaldi af þeirri vinnu verður gerð áætlun yfir sameiginleg forvarnarverkefni sem ætlunin er að framkvæma á árinu 2017 og síðan verður bætt inn þeim verkefnum sem hver og ein stofnun hyggst standa fyrir. Skráningin er liður í að gera áætlanagerð auðveldari og forvarnarstarfið markvissara í samræmi við Fjölskyldustefnu Fjarðabyggðar.

3.

1604052 - Heilsueflandi samfélag - Fjarðabyggð

Íþrótta- og tómstundanefnd samþykkir tillögu að skipan þverfaglegs stýrihóps um verkefni Heilsueflandi samfélags.

4.

1611130 - Íþróttamaður Fjarðabyggðar 2016

Borist hafa tilnefningar frá íþróttafélögum í Fjarðabyggð vegna kjörs á íþróttamanni Fjarðabyggðar. Íþrótta- og tómstundanefnd fór yfir tilnefningarnar. Tilkynnt verður hver hlýtur nafnbótina Íþróttamaður Fjarðabyggðar 2016 við hátíðlega athöfn á Fáskrúðsfirði, fimmtudaginn 29. desember kl. 17:00.