Í leikskólum sveitarfélagsins fer fram metnaðarfullt starf fyrir börn frá eins árs aldri þar sem stuðst er við aðferðir hugmyndafræðinnar Uppeldi til ábyrgðar.
Meginatriði hennar er að kenna börnum sjálfsaga, sjálfsstjórn og ýta undir sjálfstraust.
Segja má að það endurspeglist í einkunnarorðum skólans sem eru: Hreinskilni, hugrekki og trú á eigin getu. Í leikskólanum er unnið út frá hugmyndafræði Howard Gardners, Diane Gossen og John Dewey. Í honum er því trúað að lært sé í gegnum eigin reynslu og að allir geti eitthvað en enginn geti allt. Einnig er unnið í anda uppbyggingarstefnunnar Uppeldi til ábyrgðar og ART.
Á myndunum má sjá stefnu og hugmyndafræði skólans í verki. Nemendur læra í gegnum eigin reynslu og m.a. er ýtt undir sjálfstraust með æfingum.
