Fundi Veðurstofu, Vegagerðar og almannavarna lauk rétt í þessu. Búist er við áframhaldandi úrkomu og skafrenningi fram til morguns en úrkoma er þó heldur minni en spáð var. Ekki er talin hætta utan rýmdra svæða.
Flestir fjallvegir á Austurlandi eru lokaðir.
Rýmingar frá í gær á Seyðisfirði og í Neskaupstað eru óbreyttar. Veðurstofa mun meta stöðuna síðar í dag. Tilkynning verður send á þessum vettvangi í kjölfar þess. Vegir innanbæjar eru enn opnir.
Aðgerðastjórn almannavarna á Austurlandi hvetur ferðalanga til að kanna vel með færð og veður áður en haldið er af stað. Lítið ferðaveður er í fjórðungnum sem stendur.
