Fjarðabyggð auglýsir til sölu fasteignina Blómsturvelli 26-32 í Neskaupstað.

Blómsturvellir 26-32 er 471 fermetri að stærð og byggð árið 1960. Eignin stendur á 2.910 fermetra leigulóð. Eignin var byggð og nýtt sem leikskóli. Um er að ræða steypta byggingu á einni hæð, skipt upp í fimm einingar, þar sem hver eining stendur framar en sú næsta að innanverðu. Eignin verður seld í því ástandi sem hún er, en nánari upplýsingar um ástand hússins liggja ekki fyrir og eru bjóðendur hvattir til að kynna sér ástand hennar vel.

Eignin er laus til afhendingar við sölu.

Sölu eignarinnar annast eftirfarandi fasteignasölur og veita þær nánari upplýsingar um eignina:

Inni fasteignasala,  vefsíða www.inni.is,  sími 580-7905 

Lindin fasteignasala, vefsíða www.lindinfasteignir.is,  sími 893-1319

Réttvísi fasteignasala, vefsíða www.rettvisi.is,  sími 476-1616         

Tilboðum skal skila til Fjarðabyggðar í gegnum ofangreindar fasteignasölur fyrir kl. 14:00 þann 12. maí 2017.  Tilboðin verða opnuð á skrifstofu Fjarðabyggðar að Hafnarbraut 2 á Reyðarfirði í viðurvist bjóðenda er þess óska. Eigendur áskilja sér rétt til að hafna öllum tilboðum.