Fréttir | Fjarðabyggð

09.02.2022

Kröfur um þjóðlendur á Austfjörðum

Fjármála- og efnahagsráðherra hefur fyrir hönd íslenska ríkisins afhent óbyggðanefnd kröfur um þjóðlendur á Austfjörðum, sbr. lög nr. 58/1998, um þjóðlendur og ákvörðun marka eignarlanda, þjóðlendna og afrétta. Óbyggðanefnd kynnir nú kröfurnar til að ná til þeirra sem kunna að eiga öndverðra hagsmuna að gæta svo að þeir geti látið sig málin varða og eftir atvikum lýst kröfum á móti. Kröfulýsingarfrestur er til 6. maí 2022.

07.02.2022

Almenningssamgöngur hefjast að nýju kl. 16:00

Almenningssamgöngur Fjarðabyggðar eru komnar í lag eftir óveðrið í morgun og ekið verður eftir tímatöflu frá kl. 16:00.

07.02.2022

Móttökustoð sorps lokuð á Fáskrúðsfirði

Vegna óviðráðanlegra orsaka verður móttökustöð sorps á Fáskrúðsfirði lokuð í dag mánudaginn 7.febrúar. Beðist er velvirðingar á óþægindum sem þetta kann að valda.

07.02.2022

Jafnlaunakerfi og jafnlaunastefna Fjarðabyggðar

Fjarðabyggð uppfyllti kröfur í jafnlaunastaðlinum ÍST 85:2012 í ársbyrjun 2020 og fékk í kjölfarið jafnlaunamerkið. Sveitarfélagið hefur jafnframt sett sér jafnlaunastefnu og jafnréttisáætlun og unnið er að því að samþætta jafnréttissjónarmið í stefnum Fjarðabyggðar.

07.02.2022

Skólar verða opnir

Eftir að hafa farið yfir veður og veðurhorfur í Fjarðabyggð nú í morgunsárið þykir ekki ástæða til að hafa skólana lokaða. Grunn-, leik- og tónlistarskólar verða því opnir í dag, mánudaginn 7. febrúar. Samkvæmt veðurspá á veðrið að ganga niður um klukkan eitt eftir hádegi. Foreldrum og forráðamönnum er þó alveg í sjálfsvald sett, hvort þeir sendi börn sín í skóla. Hyggist foreldrar og forráðamenn ekki senda börn sín í skóla, eru þeir beðnir um að láta sinn skóla vita.

06.02.2022

Almenningssamgöngur falla niður að minnsta kosti fram að hádegi mánudaginn 7.febrúar

Allar almenningssamgöngur í Fjarðabyggð falla niður fram að hádegi mánudaginn 7.febrúar. Staðan verður endurmetin um hádegisbil, með hliðjón af því hvernig veðrið þróast.

06.02.2022

Skólahald með hefðbundnum hætti á morgun mánudag

Þrátt fyrir slæma veðurspá á morgun mánudag þykir ekki ástæða til að loka skólum í Fjarðabyggð. Þessi ákvörðun er tekin með hliðsjón af veðurspá morgundagsins fyrir austfirði. Því er lagt upp með að skólahald í grunn-, leik- og tónlistarskólum Fjarðabyggðar verði með hefðbundnum hætti á morgun mánudag. Foreldrum er engu að síður í sjálfsvald sett hvort þeir senda börn sín í skóla. Staðan verður endurmetin um klukkan sjö í fyrramálið og tilkynning verður send út í framhaldinu hér á heimasíðu Fjarðabyggðar um hvort loka þurfi skólum. Íbúar eru hvattir til að fylgjast vel með upplýsingum um færð í fyrramálið. Skólaakstur í dreifbýli í Breiðdal fellur niður. Nemendur á Stöðvarfirði mæta í skólahúsnæði á Stöðvarfirði og nemendur í Breiðdal mæta í skólahúsnæði í Breiðdal.

04.02.2022

Vatnsveitustyrkir vegna stofnkostnaðar við vatnsveitur á vegum eigenda lögbýla

Vakin er athygli á að hægt er að sækja um styrki til Matvælastofnunar fyrir vatnsveitur á lögbýlum. Umsóknir vegna framkvæmda á árinu 2002 þurfa að hafa borist fyrir 1.mars nk. Sótt er um á heimasíðu Matvælastofnunar þar sem jafnframt má nálgast nánari upplýsingar.

04.02.2022

Seinkun á sorphirðu

Sorphirða er á eftir áætlun þessa vikuna vegna veikinda hjá starfsmönnum Kubbs. Líkast til verður ekki hægt að fara í sorphirðu á suðurfjörðum fyrr en eftir helgi. Beðist er velvirðingar á óþægindum sem þetta kann að valda.

26.01.2022

Álagning fasteignagjalda 2022

Álagningarseðlar fasteignagjalda í Fjarðabyggð 2022 hafa verið birtir á vefsíðunni island.is og á Íbúagátt Fjarðabyggðar. Álagningarseðlar eru ekki sendir í pósti.Fasteignagjöldin verða innheimt í gegnum net- eða heimabanka. Greiðsluseðlar verða ekki sendir út en hægt er að óska eftir heimsendum greiðsluseðlum með því að hafa samband í síma 470-9000 eða í gegnum heimasíðu Fjarðabyggðar, www.fjardabyggd.is

25.01.2022

Sorpmóttaka á Reyðarfirði lokuð frá kl. 16.00 vegna hvassviðris

Vegna hvassviðris verður sorpmóttaka á Reyðarfirði lokuð frá kl. 16.00 þriðjudaginn 25.janúar. Beðist er velvirðingar á óþægindum sem þetta kann að valda.

24.01.2022

Lumar þú á nafni á nýtt sameinað knattspyrnulið?

Megin íþróttafélögin í Fjarðabyggð hafa ákveðið að sameina enn frekar krafta sína á sviði knattspyrnu og leita nú aðstoðar íbúa sveitarfélagsins við að finna nafn á óstofnað félag.

20.01.2022

Ályktun bæjarstjórnar Fjarðabyggðar um orkuskipti

Á 325. fundi bæjarstjórnar Fjarðabyggðar í dag samþykkti bæjarstjórn samhljóða ályktun þar sem lögð er þung áhersla á að unnið verði hratt að skilgreiningu og þróun á nýjum kostum í raforkuframleiðslu.

18.01.2022

Tilkynning frá aðgerðastjórn á Austurlandi 18. janúar

Síðastliðinn sólarhring greindust um 20 ný smit á Austurlandi, langflest þeirra á Reyðarfirði og í Neskaupstað. Það er því viðbúið að fleiri smit greinist næstu daga þar sem enn er töluverður fjöldi í sóttkví. Áfram er því mikilvægt að íbúar Austurlands fari í sýnatöku við minnstu einkenni eða grun um útsetningu smits.

18.01.2022

Freyja Karín Þorvarðardóttir er íþróttamaður Fjarðabyggðar 2021

Freyja Karín Þorvarðardóttir, knattspyrnukona úr Þrótti Neskaupstað, var á dögunum útnefnd Íþróttamaður Fjarðabyggðar árið 2021.

16.01.2022

Skólahald hefst að nýju á Reyðarfirði, Eskifirði og í Neskaupstað 17. janúar

Líkt og fram kom í tilkynningu aðgerðarstjórnar áðan er reiknað er með að Eskifjarðarskóli, Grunnskóli Reyðarfjarðar og Nesskóli sem lokaðir voru á föstudag opni á morgun mánudag 17. janúar. Takmarkanir verða þó í Nesskóla vegna sóttkvía og einangrunar þar. Nánari upplýsingar má finna hér að neðan.

16.01.2022

Tilkynning frá aðgerðastjórn á Austurlandi - 16. janúar

Í síðustu tilkynningum aðgerðastjórnar hefur endurtekið verið lögð rík áhersla á mikilvægi sýnatöku almennt en sérstaklega hefur orðum aðgerðastjórnar verið beint til þeirra sem hafa einkenni eða telja sig útsetta fyrir smiti. Viðbrögð hafa verið virkilega góð og þátttaka í sýnatöku mikil. Í dag sunnudag voru tekin 239 sýni á Egilsstöðum og Reyðarfirði auk þess sem sýnataka var á Vopnafirði. Þáttaka þessi er afar jákvæð og ekki síður að úr einangrun síðastliðna daga útskrifuðust fleiri einstaklingar en þeir sem greindust með smit. Þeim fækkar því sem eru í einangrun vegna smita, en þeir nú 105 á Austurlandi. Þessi þróun bendir til að takast muni að ná böndum á þeirri slæmu þróun í smitbylgjunni sem uppi var fyrir nokkrum dögum hér eystra.

14.01.2022

Hertar sóttvarnaraðgerðir 15. janúar– áhrif á þjónustu Fjarðabyggðar

Ríkisstjórnin kynnti nú í dag hertar sóttvarnaraðgerðir sem miða að því að stemma stigu við hraðri útbreiðslu COVID – 19 á Íslandi. Hér að neðan má sjá hvaða áhrif þetta mun hafa á þjónustu sveitarfélagsins.

13.01.2022

Tilkynning frá aðgerðastjórn á Austurlandi: Kennsla fellur niður í grunnskólum í Neskaupstað, Eskifirði og Reyðarfirði 14. janúar

Talsverður fjöldi smita af völdum COVID-19 hafa greinst á Austurlandi undanfarið og síðustu tvo sólarhringa hafa bæst við um 30 ný smit á svæðinu. Staðan í faraldrinum er því orðin verulega þung og farin að reyna á víða í samfélaginu hér á Austurlandi. Þá hafa smit áhrif á starfsemi og mönnun í heilbrigðiskerfinu þar sem má lítið út af bregða til þess að þjónusta skerðist verulega. Ljóst er að grípa þarf til aðgerða til að létta þar á og minnka útbreiðslu smita og veikindum því tengdu. Mörg smit sem greinst hafa á Austurlandi undanfarna daga hafa tengingu við grunnskólana á Reyðarfirði, Eskifirði og í Neskaupstað. Á fundi aðgerðastjórnar Austurlands nú kl. 14 var því ákveðið, í samráði við Almannavarnardeild ríkislögreglustjóra, að fella niður kennslu í Nesskóla í Neskaupstað, Eskifjarðarskóla og Grunnskóla Reyðarfjarðar á morgun, föstudaginn 14. janúar.

13.01.2022

Tilkynning frá aðgerðastjórn á Austurlandi - 13. janúar

Enn er mikill fjöldi smita að greinast á Austurlandi. Smit sem greinst hafa síðustu tvo sólarhringa eru ekki síst í Fjarðabyggð og teygja sig víða inn í skólastarf þar. Smit eru bæði meðal nemenda og kennara. Aðgerðastjórn fundaði í morgun og á eftir er fyrirhugaður fundur með skólastjórnendum grunnskólanna á Reyðarfirði, Eskifirði og Neskaupstað til að leggja mat á stöðuna. Mögulegt er að grípa þurfi til aðgerða innan skólanna til að koma í veg fyrir frekari útbreiðslu smita. Aðgerðastjórn mun senda út aðra tilkynningu í dag þegar frekari ákvarðanir hafa verið teknar.

13.01.2022

Kennsla hefst aftur í Eskifjarðarskóla kl. 10:00 fimmtudaginn 13. janúar

Skólahald hefst aftur í Eskifjarðarskóla í dag klukkan 10:00. Allir forráðamenn hafa nú fengið sms með sömu tilkynningu. Foreldrar eru minntir á að tilkynna fjarveru barna til skólans í síma 4709150 eða í gegnum Mentor.

12.01.2022

Framhald á sóttvarnaraðgerðum 13. janúar– áhrif á þjónustu Fjarðabyggðar

Ríkisstjórnin kynnti í gær framhald sóttvarnaraðgerðum sem miða að því að stemma stigu við hraðri útbreiðslu COVID – 19 á Íslandi. Hér að neðan má sjá hvaða áhrif þetta mun hafa á þjónustu sveitarfélagsins.

12.01.2022

Tilkynning frá aðgerðastjórn almannavarna - 12. janúar

Í gær var neyðarstigi almannavarna lýst yfir sökum vaxandi álags á heilbrigðiskerfið vegna kórónuveirufaraldursins. Þessi breyting snýr að þeim sem hafa hlutverk í viðbragðsáætlun vegna heimsfaraldurs og á að vera okkur öllum hvatning um að fara varlega og yfirfara eigin sóttvarnir.

12.01.2022

Styrkir til menningarmála 2022

Menningar- og nýsköpunarnefnd Fjarðabyggðar auglýsir eftir umsóknum um styrki til menningarmála fjárhagsárið 2022. Markmið menningarstyrkja er að styðja og efla menningarstarfsemi í Fjarðabyggð.

11.01.2022

Eskifjarðarskóli lokaður á morgun miðvikudaginn 12. janúar

Talsverður fjöldi smita hefur greinst í Eskifjarðarskóla síðustu daga, og dreifing smita er víða um skólann. Vegna þessa hefur verið ákveðið að Eskifjarðarskóli verði lokaður á morgun miðvikudaginn 12.1.2022. Starfsmenn og nemendur í skólanum eru hvattir til að mæta í sýnatöku á Heilsugæsluna á Reyðarfirði á morgun milli kl. 9 – 11:00. Athugið að þeir sem fengið hafa COVID sl. 6 mánuði eða eru nú þegar í sóttkví þurfa ekki að mæta í sýnatöku. Stefnt er að því að kennsla hefjist að nýju í Eskifjarðarskóla kl. 10:00 á fimmtudagsmorgun, þegar niðurstaða þessarar sýnatöku liggur fyrir og rakning hefur átt sér stað. Nánari tilkynningar varðandi það verða sendar þegar þær liggja fyrir.

04.01.2022

Breytingar á gjaldskrá vegna gæludýrahalds í Fjarðabyggð

Dýraeftirlit Fjarðabyggðar vill vekja athygli á breytingum á gjaldskrá sveitarfélagsins um hunda- og kattahald sem tók gildi nú um áramótin, 2021/2022. Eigendur gæludýra eru hvattir til að kynna sér áorðnar breytingar sem meðal annars snúa að möguleikum til lækkunar gjalda sem og brottfall ábyrgðartryggingar sem kemur þá til lækkunar leyfisgjalda.

04.01.2022

Snjómokstur 4. janúar 2022

Nú er unnið hörðum höndum að snjómokstri í Fjarðabyggð eftir óveður síðustu daga. Vinna hófst snemma í morgun og mun standa fram eftir degi. Mokstur hefur víða gengið vel en vegna mikils fannfergis á Fáskrúðsfirði og Eskifirði gengur mokstur hægt þar, en unnið er að honum með öllum tiltækum tækjum.

03.01.2022

Tilkynning frá aðgerðastjórn á Austurlandi 3. janúar

Vegna veðurs var öllum sýnatökum vegna COVID-19 aflýst á Austurlandi í dag. Það hefur vissulega áhrif á fjölda smittalna í fjórðungnum en fyrir liggur eftir sem áður að smit eru mörg og dreifð auk þess sem vaxandi fjöldi er í sóttkví.

31.12.2021

Horft til framtíðar um áramót - Áramótapistill bæjarstjóra

Nú við áramót, þegar enn eitt árið hefur þotið hjá, er við hæfi að horfa til nýs árs með þeim verkefnum sem áætluð eru hjá sveitarfélaginu Fjarðabyggð á komandi ári. Framundan er að venju viðburðaríkt ár en verkefni sveitarfélagins á hinum ýmsu sviðum eru mörg. Hér á eftir ætla ég að horfa aðeins til framtíðar og fara í stuttu máli yfir helstu verkefni ársins sem framundan er. Það er ástæða til bjartsýni, okkar kraftmikla samfélag er byggt á traustum grunni og því enginn ástæða til annars en að horfa björtum augum á verkefni ársins.

30.12.2021

Flugeldasýningar um áramót

Vegna þeirra takmarkana sem uppi eru vegna sóttvarna verður ekki hægt að halda brennur eins og venjulega á gamlársdag. Einhverjar björgunarsveitir í Fjarðabyggð ætla engu að síður að bjóða upp á flugeldasýningar, sem fólk getur horft á frá heimilum sínum eða úr bílum.