Fara í efni

Fréttir

13.07.2021

Tilkynning frá aðgerðarstjórn á Austurlandi 13. júlí

Bólusetningar í fjórðungnum ganga vel. Stefnt er á að bólusetja um þrjú hundruð manns á morgun og um áttatíu í næstu viku. Síðan fara skipulagðar bólusetningar í sumarfrí fram í ágúst en áfram verður hægt að hafa samband á bolusetning@hsa.is
11.07.2021

Viðgerð lokið á vatnsveitu í Neskaupstað

Viðgerð er nú lokið á vatnsveitunni í Neskaupstað og vatn ætti að vera byrjað að renna allsstaðar. Við þökkum íbúum fyrir þolinmæðina á meðan þessu stóð.
11.07.2021

Bilun í vatnsveitu í Neskaupstað - unnið er að viðgerð

Bilun hefur komið upp í vatnsveitu í Neskaupstað og unnið er að því að finna út hvar hún liggur svo hægt sé að hefja viðgerð. Á meðan má gera ráð fyrir að vatnslaust geti orðið á svæðinu. Íbúar eru beðnir um að vera ekki að vökva lóðir sínar á meðan þetta varir. Ef íbúar verða varir við vatnsleka í görðum sínum eða við götur má endilega láta vita í síma 837 9039.
09.07.2021

Viljayfirlýsing um grænan orkugarð á Reyðarfirði

Fjarðabyggð, Landsvirkjun og Copenhagen Infrastucture Partners (CIP) hafa undirritað viljayfirlýsingu um að meta kosti þess að þróa grænan orkugarð á Reyðarfirði. Í fyrstu verða kannaðir kostir þess að framleiða rafeldsneyti með vetni á Reyðarfirði en einnig verður farið í að skoða og greina möguleg samlegðaráhrif við aðra starfsemi á svæðinu. Þar verður m.a. horft til möguleika á orkuskiptum í sjávarútvegi og landflutningum, endurnýtingu varma til húshitunar á Reyðarfirði og notkun súrefnis við landeldi á fiski. Auk þessa verða kannaðir kostir til að afla orku á svæðinu fyrir mögulega starfsemi í græna orkugarðinum.
07.07.2021

Tilkynning frá aðgerðarstjórn á Austurlandi 7. júlí

Bólusetningar í fjórðungnum ganga vel og var nýliðin vika sú síðasta í röð stórra bólusetningarvikna á Austurlandi. Í þessari viku verða bólusettir á þriðja hundrað einstaklingar, en samtals eru nú um 73% íbúa ýmist fullbólusettir eða byrjað bólusetningu.
02.07.2021

Curver opnar Tónlistarhornið í gömlu Netagerðinni í Neskaupstað

Á morgun, laugardaginn 3. júlí, opnar listamaðurinn Curver Thoroddsen innsetninguna Tónlistarhornið í gömlu Netagerðinni í Neskaupstað í samstarfi við Menningarstofu Fjarðabyggðar.
02.07.2021

Støð í Stöð um helgina

Bæjarhátíðin Støð í Stöð hófst í gær með látum þegar Íslandsmeistaramótið í bubblubolta fór fram. Støðið á Stöðvarfirði heldur áfram í dag og yfir helgina en dagskráin er ekki af verri endanum.
01.07.2021

Nýtt rannsóknasetur opnað í Breiðdal

Þann 17. júní síðastliðinn var nýtt rannsóknasetur Háskóla Íslands opnað formlega í Breiðdal. Yfir 100 gestir sóttu opnunina og gafst kostur á að skoða húsakynni setursins og nýja yfirlitssýningu um jarðfræði Íslands sem verður opin í sumar. Við sama tækifæri undirrituðu Tobias Björn Weisenberger, forstöðumaður setursins, og Jón Björn Hákonarson, bæjarstjóri Fjarðabyggðar, samning um samstarf milli sveitarfélagsins og setursins.
30.06.2021

Tilkynning frá aðgerðastjórn á Austurlandi - 29. júní

Nú þegar innanlandstakmarkanir vegna sóttvarna hafa verið felldar úr gildi er ástæða til að gleðjast. Þessu langþráða marki höfum við náð með samstilltu átaki þar sem persónulegar sóttvarnir vógu þungt. Þær varnir hafa ekki bara hamið og haldið Covid í skefjum heldur dregið mjög úr öðrum smitsjúkdómum s.s. kvefi og inflúensu.
29.06.2021

Hernámsdagurinn á Reyðarfirði 1. júlí

Fimmtudaginn 1. júlí verður Hernámsdagurinn haldinn hátíðlegur á Stríðsárasafninu á Reyðarfirði. Eitt og annað verður um að vera á safninu í tilefni dagsins.
28.06.2021

Vígsla ofanflóðamannvirkja á Eskifirði

Formleg vígsla verður á ofanflóðamannvirkjum við Bleiksá, Hlíðarendaá og Ljósá á Eskifirði föstudaginn 2. júlí klukkan 11:00. Íbúar Fjarðabyggðar og aðrir gestir, eru boðnir hjartanlega velkomnir til að fagna þessum mikilvæga áfanga í ofanflóðavörnum í sveitarfélaginu.
23.06.2021

Nýir skólastjórnendur við Nesskóla

Ráðið hefur verið í stöður skólastjóra og aðstoðarskólastjóra Nesskóla. Karen Ragnarsdóttir Malmquist hefur verið ráðin skólastjóri og Þórfríður Soffía Þórarinsdóttir aðstoðarskólastjóri.
22.06.2021

Nýr skólastjóri Breiðdals- og Stöðvarfjarðarskóla

Erla J. S. Steingrímsdóttir hefur verið ráðin í starf skólastjóra við Breiðdals- og Stöðvarfjarðarskóla. Erla hefur starfað sem kennari við Hvassaleitisskóla og Varmárskóla undanfarin sex ár og starfaði þar áður við leikskólann Reykjaholt.
17.06.2021

Samstarfssamningur Fjarðabyggðar og Rannsóknarseturs Háskóla Íslands á Breiðdalsvík

Í dag var ritað undir samstarfssamning Fjarðabyggðar og Rannsóknarseturs Háskóla Íslands á Breiðdalsvík. Undirritunin fór fram í Breiðdalssetri en þar var opun Rannsóknarsetursins fagnað.
16.06.2021

Hátíðahöld á 17. júní færð í Valhöll

Vegna óhagstæðrar veðurspár fyrir morgundaginn hafa UMF. Austri og Fjarðabyggð ákveðið að hátíðardagskrá vegna 17. júní verði færð inn í Valhöll. Skrúðgangan verður óbreytt, og leggur hún upp frá gamla skólanum kl. 13:00 áleiðis að Valhöll. Á morgun er gert ráð fyrir einhverri vætu og kulda og því var talið heppilegra að gera þessar ráðstafanir.
16.06.2021

Heitavatnslaust á Eskifirði 18. júní

Heitavatnslaust verður í húsum utan við Grjótá á Eskifirði föstudaginn 18. júní vegna vinnu við tengingu á stofnlögn í tengslum við byggingu á brú yfir Lambeyrará. Skrúfað verður fyrir heitavatnið klukkan 09:00 og mun vinna standa yfir fram eftir degi. Áætlað er að verkið taki að minnsta kosti sjö klukkustundir. Beðist er velvirðingar á þeim óþægindum sem þetta kann að valda.
15.06.2021

17. júní í Fjarðabyggð

Njóttu þjóðhátíðardagsins á Eskifirði! Fjarðabyggð heldur 17. júní hátíðlegan í ár í samstarfi við Ungmennafélagið Austra á Eskifirði. Glæsileg dagskrá verður í boði þar sem allir ættu að geta fundið eitthvað við sitt hæfi.
14.06.2021

Draugahundur í gamla barnaskólanum á Eskifirði

Fimmtudaginn 17. júní verður sýningin "Draugahundur" opnuð í Gamla barnaskólanum á Eskifirði. Sýningin samanstendur af 12 ljósmyndum af Samoyed hundum. Samoyed hundurinn sem líkist draug var upphaflega ræktaður til að veiða, draga sleða, og smala hreindýrum. Sýningin Draugahundur í Gamla Barnaskólanum á Eskifirði er á vegum Menningarstofu Fjarðabyggðar. Sýningin er opin laugardaga og sunnudaga frá 17. júní til og með 25. júlí en einnig samkvæmt samkomulagi við Menningarstofu Fjarðabyggðar.
11.06.2021

Sigurfinnur Líndal Stefánsson ráðinn aðstoðarslökkviliðsstjóri Fjarðabyggðar

Sigurfinnur Líndal Stefánsson hefur verið ráðinn aðstoðarslökkviliðsstjóri Fjarðabyggðar. Sigurfinnur mun hefja störf í haust.
10.06.2021

Tilkynning til íbúa við Lambeyrarbraut

Vegna vinnu við ofanflóðavarnir í Lambeyrará þarf að grafa hluta Botnabrautar í burtu og staðsetja vinnuvélar og tæki á götunni meðfram Lambeyrará. Óskað var eftir því við yfirvöld í Fjarðabyggð að loka fyrir umferð um Botnabraut milli Lambeyrarbrautar og Strandgötu og að umferð verði veitt um hjáleið í Lambeyrarbraut þess í stað og henni breytt í tvístefnugötu á meðan að á framkvæmdum stendur.
09.06.2021

Vatnstruflanir í Neskaupstað

Vegna viðgerðar á vatnsveitu í Neskaupstað verður vatnslaust í Norðfjarðarsveit, á iðnaðarsvæðinu í innbænum og á hafnarsvæðinu milli kl. 11:00 og 16:00 fimmtudaginn 10. júní. Beðist er velvirðingar á þeim óþægindum sem þetta kann að valda.
08.06.2021

Auglýsingasamningur við knattspyrnudeild Leiknis Fjarðabyggð

Á sunnudaginn var ritað undir auglýsinga- og samstarfssamning við Knattspyrnudeild Leiknis Fjarðabyggð. Samningurinn felur í sér að meistaraflokkar Leiknis, munu kenna sig við Fjarðabyggð og kynna nafn og merki sveitarfélagsins með ýmsum hætti í sinni starfsemi.
06.06.2021

Til hamingju með daginn sjómenn!

Fjarðabyggð sendir sjómönnum og fjölskyldum þeirra bestu kveðjur í tilefni sjómannadagsins.
04.06.2021

Samstarfssamningur við Krabbameinsfélag Austfjarða

Í dag var ritað undir samstarfssamning Fjarðabyggðar og Krabbameinsfélags Austfjarða. Samningurinn felur í sér stuðning Fjarðabyggðar við félagið, og samstarf um lífstílstengdar forvarnir og fræðslu meðal starfsmanna Fjarðabyggðar.
03.06.2021

Nýr Börkur kemur til Neskaupstaðar

Börkur NK 122, nýtt og glæsilegt skip Síldarvinnslunnar í Neskaupstað, kemur til hafnar í Neskaupstað í dag. Skipið mun sigla fánum prýtt inn Norðfjörð um hádegisbilið og mun annað skip Síldarvinnslunnar, Beitir NK, sigla til móts við Börk. Þeir bræður munu síðan sigla saman inn til hafnar um klukkan tólf.
03.06.2021

Sjómannadagurinn í Fjarðabyggð 2021

Að venju verður mikið um að vera í tilefni sjómannadagsins í Fjarðabyggð um helgina. Upplýsingar um hátíðardagskrá i Neskaupstað og á Eskifirði má finna hér á heimasíðunni með því að smella hér.
01.06.2021

Tilkynning frá aðgerðarstjórn á Austurlandi 1. júní (2)

Norræna kom í morgun til Seyðisfjarðar og fóru 296 farþegar í land. Af þeim framvísuðu 222 gildum bólusetningarvottorðum. Það er svipað hlutfall og hjá flugfarþegum er fara um Leifsstöð. Óbólusettir virðast því flestir halda sig heima við enn sem komið er.
01.06.2021

Tilkynning frá aðgerðarstjórn á Austurlandi 1. júní

Tveir einstaklingar greindust smitaðir í fjórðungnum í gær, á Vopnafirði líkt og fram hefur komið í fjölmiðlum. Þeir tilheyra sömu fjölskyldu og höfðu verið í sóttkví frá kvöldi 26. maí. Uppruni smitanna er þekktur og er ekki á Austurlandi heldur tengist ferðum viðkomandi utan svæðisins. Því er ekki talin hætta á að viðkomandi hafi smitað aðra. Aðgerðastjórn notar þó tilefnið og hvetur fólk eins og ávallt til að kynna sér vel gildandi sóttvarnareglur, virða þær í hvívetna og gæta sérlega vel að persónulegum sóttvörnum. Síðast en ekki síst að ef einhver telur sig vera með einkenni að fara þá ekki til vinnu, í skóla eða annars staðar á meðal fólks og vera strax í sambandi við heilsugæslu eða síma 1700 og fá sýnatöku.
01.06.2021

Stjórnvöld auglýsa styrki til orkuskipta

Þórdís Kolbrún Reykfjörð Gylfadóttir, ráðherra ferðamála-, iðnaðar- og nýsköpunar, og Guðmundur Ingi Guðbrandsson, umhverfis- og auðlindaráðherra, hafa ákveðið að auglýstir verðir styrkir til orkuskipta að upphæð 320 milljónir kr. af þeim fjárveitingum sem veittar eru til loftslagsmála í ár.
31.05.2021

Heimsókn 7. bekkinga í Fjarðabyggð til Mjóafjarðar

Fimmtudaginn 27. maí fóru nemendur úr 7. bekkjum grunnskólanna í Fjarðabyggð í fræðslu- og skemmtiferð til Mjóafjarðar.
1 ... 32 33 34 35 36 ... 78