Menningarstofa

BRAS er menningarhátíð þar sem börnum og ungmennum er gefið tækifæri til að skapa og upplifa listir og menningu í heimabyggð. Hátíðin var haldin í fyrsta skipti í september 2018 og hefur verið haldin á hverju hausti, síðan þá. Markmiðið er að búa til vettvang þar sem öll börn á Austurlandi geta unnið saman á jafningjagrundvelli óháð móðurmáli, tungumálakunnáttu og búsetu. 

Unnið er þvert á þjóðerni, byggðakjarna og aldur. BRAS er menningarhátíð þar sem börnum og ungmennum er gefið tækifæri til að skapa og upplifa listir og menningu í heimabyggð. Hátíðin var haldin í fyrsta skipti í september 2018 og hefur verið haldin á hverju hausti, síðan þá. Markmiðið er að búa til vettvang þar sem öll börn á Austurlandi geta unnið saman á jafningjagrundvelli óháð móðurmáli, tungumálakunnáttu og búsetu. 

Bras

Upptakturinn á Austurlandi er árleg tónsmiðja sem fer fram yfir eina helgi í Sköpunarmiðstöðinni á Stöðvarfirði í samstarfi milli Studio Síló og Menningarstofu Fjarðabyggðar.

Í smiðjunni fá krakkar í 5.-10. bekk að senda inn drög að tónverki sem þau semja sjálf og fá að vinna markvisst að hugmyndum sínum með aðstoð frá fagtónlistarfólki. Í framhaldi eru lögin tekin upp í Studio Síló og send áfram í Upptaktinn sem fer fram í Hörpu. Dómnefnd Upptaktsins velur svo einn ungan austfirskan tónsmið til áframhaldandi þátttöku í Upptaktinum í Hörpu, vinnustofum og tónleikum á Barnamenningarhátíð á vormánuðum.  

Markmið með Upptaktinum á Austurlandi eru fjórþætt:

• Að styðja að tónsköpun ungs fólks og hvetja börn og unglinga á Austurlandi til að tjá sig með tónlistarsköpun og semja eigin tónlist óháð tónlistarstíl.
• Að aðstoða börn og unglinga á Austurlandi við að fullvinna hugmyndir sínar í vinnusmiðju og varðveita þannig tónlistina.
• Að gefa börnum og unglingum á Austurlandi tækifæri á að fá leiðsögn frá austfirsku fagfólki og taka þátt í vinnustofu. Að safna saman tónverkum barna á Austurlandi og senda áfram í Upptaktinn í Hörpu þar sem dómnefnd velur eitt verk eða fleiri áfram til flutnings á tónleikum með fagfólki við kjöraðstæður í Hörpu. Þau sem komast áfram taka þátt í tónsmiðjum með nemum úr Listaháskóla Íslands og fagfólki í tónlist. 
   

Menningarstofa Fjarðabyggðar og Sköpunarmiðstöðin á Stöðvarfirði vinna náið saman að fjölbreyttum verkefnum ár hvert. Sem dæmi má nefna verkefni á borð við listamannadvalir í Þórsmörk, listasmiðjur fyrir börn og fullorðna og Upptaktinn á Austurlandi.  
Sköpunarmiðstöðin hefur verið burðarás í menningar- og samfélagslífi Fjarðabyggðar um árabil. Með opnu rými fyrir skapandi greinar, listamenn, gestavinnustofur og ýmis samfélagsverkefni hefur miðstöðin skapað vettvang fyrir nýsköpun, tengslamyndun og samfélagsþróun, bæði á staðnum og út á við.