Fara í efni

Fréttir

20.09.2015

Fjölmennt á afmælishátíð rafveitunnar

Rafveita Reyðarfjarðar fagnaði 85 ára starfsafmæli sínu í gær. Auk þes sem boðið var í alvöru grillveislu að hætti rafveitunnar, var nýja göngubrúin yfir Búðarárstíflu tekin formlega í notkun. Hér má sjá þegar klippt var á borðann í samstilltu átaki.
18.09.2015

Þriðjungi minni flúor í grasi

Flúor í grasi hefur farið minnkandi í Reyðarfirði þrjú ár í röð. Í sumar lækkuðu gildin að meðaltali um þriðjung á milli ára. Hvað umhverfisáhrif snertir, skipar þessi árangur Alcoa Fjarðaáli í fremstu röð, að sögn Magnúsar Ásmundssonar, forstjóra.
17.09.2015

Rafveita Reyðarfjarðar 85 ára

Í tilefni af 85 ára starfsafmæli sínu, býður Rafveita Reyðarfjarðar í alvöru grillveislu, laugardaginn 19. september nk. Einnig verður nýja göngubrúin yfir Búðará vígð.
12.09.2015

Move Week í Fjarðabyggð

Í tilefni af Move Week, evrópsku hreyfivikunni, verður frítt í sundalaugar Fjarðabyggðar og líkamsrækt fimmtudaginn 24. september. nk.
09.09.2015

Óvenjulegur ómur í einstæðu rými

Svanur Vilbergsson gítarleikari og norski sellóleikarinn og tónskáldið Maja Bugge Web halda tónleika í olíutanki á Eskifirði og Bræðslunni á Djúpavogi. Yfirskrift tónleikanna er Endurómur - Etterklang, óvenjulegur ómur í einstæðu rými, sem felur í sér skemmtilega vísun í einstakt tónleikarýmið.
05.09.2015

Félagsmálanefnd falinn undirbúningur

Bæjarstjórn Fjarðabyggðar áréttaði á síðasta fundi sínum, að sveitarfélagið er tilbúið að taka á móti flóttamönnum. Hefur félagsmálanefnd verið falið að fjalla um málið og greina innviði að þessu leyti.
02.09.2015

Rannsóknir á Drekasvæðinu að hefjast

Rannsóknarskipið Oceanic Challenger kom til Reyðarfjarðarhafnar í dag ásamt smærra dráttarskipi. Skipin halda út á Drekasvæðið eftir stutta viðkomu, en rannsóknarskipið er sérhæft til jarð- og jarðeðlisfræðilegra rannsókna vegna olíu- og gasvinnslu.
02.09.2015

Fótboltinn það sem af er sumri

Línur eru farnar að skýrast í fótboltanum hér fyrir austan. Margt bendir til að tvö lið frá Fjarðabyggð leiki í 1.deild á næsta ári en Leiknir og Huginn eru í harðri baráttu ásamt ÍR um tvö laus sæti í 1.deild.
01.09.2015

Vetraráætlun Strætisvagna Austurlands

Vetraráætlun SVAust tekur gildi í dag, þriðjudaginn 1. september. Vakin er athygli á klukkutíma seinkun á síðstu ferð frá Alcoa Fjarðaál í nokkur skipti, nú í byrjun mánaðarins.
01.09.2015

Menningardagur á Stöðvarfirði

Föstudaginn 4. september verður langur föstudagur á Stöðvarfirði. Skelltu þér á skottsölu á afurðum sumarins, ljósakvöld á Steinasafni Petru eða njóttu bragðgóðra tilboða hjá veitingastöðum staðarins.
27.08.2015

Fótboltinn í sumar - yngri flokkar

Hér má sjá stöður og úrslit leikja í sumar í yngri flokkum liða Fjarðabyggðar í fótbolta.
25.08.2015

Fjarðabyggð staðfestir þjóðarsáttmála um læsi

Illugi Gunnarsson, mennta- og menningarmálaráðherra, Páll Björgvin Guðmundsson, bæjarstjóri og Sigríður Margrét Guðjónsdóttir hjá Heimili og skóla staðfestu aðild Fjarðabyggðar að þjóðarsáttmála um læsi í Nesskóla í dag. Þjóðarsáttmálinn styður efnislega vel við þann samning sem sveitarfélög á Austurlandi gerðu með sér sl. haust um bættan námsárangur í læsi og stærðfræði.
25.08.2015

Samfélagsorðan – Hvatningarverðlaun fyrir ungmenni

Samfélagsorðan er verkefni sem ætlað er að virkja ungmenni til virkrar þátttöku í jákvæðu og uppbyggjandi félagslífi. Kynningarfundur fyrir verkefnið verður í Sómasetrinu Reyðarfirði 31.ágúst, kl. 18:00, þar sem félagasamtök og aðrir áhugasamir geta gerst samstarfsfélagar og tekið þátt í uppbyggingu á þessu frábæra verkefni.
17.08.2015

Veraldarvinir í Fjarðabyggð

Júlíblað UNA Magazine, fréttablaðs Veraldarvina, er að stóru leyti helgað Fjarðabyggð og störfum þeirra hér. Um þessar mundir eru 76 sjálfboðaliðar frá 22 löndunum starfandi á vegum samtakanna á Stöðvarfirði og Eskifirði, þar á meðal við að gera upp gamla barnaskólann á Eskifirði.
17.08.2015

Skorað á stjórnvöld

Bæjarráð Fjarðabyggðar skorar á stjórnvöld að hafa hagsmuni sjávarbyggða að leiðarljósi í aðgerðum á þeirra vegum vegna viðskiptabanns Rússlands.
13.08.2015

Sögulegur fundur hjá bæjarstjórn Fjarðabyggðar

Bæjarstjórn Fjarðabyggðar fagnaði á fundi sínum í dag 100 ára afmæli kosningarréttar kvenna. Af því tilefni sátu einvörðungu konur þennan 183. fund bæjarstjórnar. Til umræðu kom m.a. kynbundinn launamunur og hinsegin fræðsla.
12.08.2015

100 ára afmæli kosningaréttar kvenna á Íslandi

Boðað hefur verið til sérstaks fundar í bæjarstjórn Fjarðabyggðar í tilefni af 100 ára afmæli kosningaréttar kvenna á Íslandi. Fundurinn verður haldinn fimmtudaginn 13. ágúst 2015 á bæjarskrifstofunni Reyðarfirði og hefst kl. 16:00. Eingöngu kvenbæjarfulltrúar munu sitja fundinn.
11.08.2015

Nýir starfsmenn á bæjarskrifstofu Fjarðabyggðar

Bergey Stefánsdóttir, Stefán Ingvar Stefánsson, Helga Elísabet Guðlaugsdóttir, Ólöf Vilbergsdóttir og Páll Baldursson tóku nýlega til starfa á bæjarskrifstofu Fjarðabyggðar. Bergey og Helga Elísabet starfa á fjölskyldusviði, Stefán Ingvar á fjármálasviði en Páll og Ólöf eru á framkvæmdasviði.
10.08.2015

Konur í meirihluta hafnarstjórnar

Þessi skemmtilega mynd var tekin nýlega í tilefni af því, konur eru í fyrsta sinn í sögu Fjarðbyggðar fleiri en karlar í hafnarstjórn. Þær eru nú þrjár af fimm stjórnarmönnum.
05.08.2015

Fagnaðarlátum ætlaði aldrei að linna

Neistaflug er fjölskylduhátíð í raun, sem gamandúóið Felix Bergsson og Gunnar Helgason, segjast ekki vilja missa af. Fagnaðarlátum ætlaði ekki að linna þegar Gunni birtist óvænt á hátíðinni, sem fram fór í Neskaupstað um síðustu helgi.
28.07.2015

Ný göngubrú yfir Búðará

Nýja göngubrúin tengir saman gönguleiðir austan og vestan árinnar og er stór áfangi fyrir aðgengi almennings að vinsælu útivistarsvæði á Reyðarfirði.
27.07.2015

Franskra sjómanna við Íslandsstrendur minnst

Rósafleyting í minningu þeirra frönsku sjómanna sem farist hafa við Íslandsstrendur fór fram að minningarathöfn lokinni í Franska grafreitnum á Fáskrúðsfirði sl. laugardag.
27.07.2015

Einstakt framlag til menningararfleifðar Frakka á Fáskrúðsfirði

Páll Björgvin Guðmundsson, bæjarstjóri, þakkaði Serge Lambert og Alberti Eiríkssyni einstakt framlag þeirra til menningararfleifðar Frakka á Fáskrúðsfirði í móttöku sem fram fór á Frönskum dögum.
27.07.2015

Franskir dagar í 20 ár

Í ár eru 20 ár liðin frá því að Franskir dagar hófu göngu sína á Fáskrúðsfirði. Af því tilefni færði Páll Björgvin Guðmundsson, bæjarstjóri, framkvæmdanefnd hátíðarinnar rósir og hamingjuóskir við setninguna sl. föstudagskvöld.
25.07.2015

Allir velkomnir um borð í Belle poule

Franska skonnortan Belle poule er stödd á Fáskrúðsfirði í tilefni Franskra daga. Skipið er svipað þeim sem Frakkar gerðu fyrr á tímum út á Íslandsmið. Almenningur er boðinn velkominn um borð sunnudaginn 25. júlí kl. 10:00-12:00 og 14:00-17:00.
25.07.2015

Glæsileg setningarhátíð Franskra daga

Franskir dagar voru settir í gær með glæsibrag. Á meðal þeirra sem komu fram voru eldgleypar frá Sirkus Íslands, sem léku listir sínar og segja má að hafi lýst upp hátíðarsvæðið í ljósaskiptunum.
22.07.2015

Áfangastaðurinn Austurland

Áfangastaðurinn Austurland er verkefni sem snýst um að þróa Austurland sem heild til búsetu, fyrirtækjareksturs og sem áfangastað fyrir ferðamenn.
15.07.2015

Hátíðin Pólar á Stöðvarfirði heppnaðist vel

Matar, listar og menningarhátíðin Pólar var haldin á Stöðvarfirði dagana 7. - 12. júlí og tókst með eindæmum vel. Pólarhátíðin var haldin í fyrsta sinn sumarið 2013 á Stöðvarfirði í samstarfi við þorpshátíðina Maður er manns gaman og er markmið hátíðarinnar að kynna Stöðvarfjörð fyrir fólki og fólk fyrir Stöðvarfirði.
13.07.2015

Guðmundur Bjarnason er látinn

Guðmundur Bjarnason fyrrverandi bæjarstjóri Fjarðabyggðar er látinn. Hann lést á Fjórðungssjúkrahúsinu í Neskaupstað að morgni laugardagsins 11. júlí. Útför Guðmundar fer fram frá Norðfjarðarkirkju laugardaginn 18.júlí og hefst kl. 14:00. Hægt verður að fylgjast með útförinni á skjá í Egilsbúð.
10.07.2015

Skemmtum okkur um alla Fjarðabyggð í sumar

Sumarið er tími hátíðanna í Fjarðabyggð. Páll Björgvin Guðmundsson, bæjarstjóri, hvetur Fjarðabúa til að fylgjast með því sem er á döfinni í sveitarfélaginu og taka þátt. Nálgast má upplýsingar um viðburði og margt fleira á visitfjardabyggd.is.
1 ... 73 74 75 76 77