Sorphirða og Endurvinnsla

Fjarðabyggð er vel á veg komið í umhverfismálum og gaman hefur verið að sjá hversu mjög ásýnd bæjarkjarnanna hefur breyst til hins betra á undanförnum árum. Þann 1. apríl 2021 tóku nýjir aðila að sér sorphirðu og önnur verk þeim tengd í Fjarðabyggð. Að afloknu útboði var ákveðið að ganga til samninga við fjögur fyrirtæki um ólíka hluta sorphirðu og endurvinnslu.

1. Fyrirtækið Kubbur ehf mun annast sorphirðu, safna úrgagni úr tunnum sveitarfélagsins samkvæmt sorphirðudagatali. Ekki verður breyting á tæmingu frá því sem verið hefur og áfram verður tekið sorp á þriggja vikna fresti.
2. Hringrás EHF mun sjá um akstur á lífrænum úrgangi frá söfnunarstöðum sveitarfélagsins til moltugerðar hjá Moltu EHF.
3. GS lausnir munu sjá um þjónustu við söfnunarstöðvar Fjarðabyggðar. Í því felst leiga á gámum fyrir allar söfnunar- og móttökustöðvar ásamt losun á gámum á svæðinu.
4. Terra umhverfisþjónusta mun sjá um móttöku á endurvinnsluefnum úr grænu tunnunni og flokkun þess.

Þriggja tunnu kerfi

Í Fjarðabyggð er notast við þriggja tunnu sorptunnukerfi í Fjarðabyggð. Gráa-, Græna- og Brúna tunnan eru allar losaðar á þriggja vikna fresti. 

Ef fólki vantar tunnur er hægt að senda tölvupóst á ari.sigursteinsson@fjardabyggd.is með upplýsingum um heimilisfang og hvernig tunnu er óskað eftir.

Næsta losun á sorpi

Móttöku- og söfnunarstöðvar í Fjarðabyggð

Móttökustöð Fjarðabyggðar er á Reyðarfirði. Þar er tekið á móti stærri förmum af úrgangi frá fyrirtækjum og einstaklingum. Allur úrgangur er fluttur á móttökustöð til vinnslu, þar sem hann er flokkaður og ýmist fluttur til urðunnar eða sendur til endurvinnslu. 

Stefna Fjarðabyggðar er sú að móttöku- og söfnunarstöðvar verði mannlausar en vaktaðar með myndarvélum. Móttöku- og söfnunarstöðin á Reyðarfirði verður mönnuð og þar verður hægt að fá aðstoð á öðrum stöðum varðandi flokkun í gegnum síma.

Notendur eru hvattir til að vanda vel flokkun á úrgangi sem skila á á móttöku- og söfnunarstöðvar. Óflokkaður úrgangur er alltaf gjaldskyldur!

Frá og með 15. september 2023 þurfa heimili og fyrirtæki að greiða fyrir gjaldskyldan úrgang á móttöku- og þjónustustöðum Fjarðabyggðar með klippikorti. 

Íbúar geta nálgast klippikortin á næstu móttökustöð Fjarðabyggðar. Rekstaraðilar geta nálgast fyrirtækjakort með því að hafa samband í gegnum netfangið klippikort@fjardabyggd.is eða á skrifstofu Fjarðabyggðar, Hafnargötu 2, Reyðarfjörður.

Hvert kort innifelur 2,0 m3 af gjaldskyldum úrgangi og er skipt niður í 0,125 og 0,25 m3 hluta (c.a hálf eða ein tunna). Hvert skipti sem komið er með gjaldskyldan úrgang á móttöku- og söfnunarstöð er klippt samsvarandi magn af kortinu. 

Verð á klippikorti til heimila og rekstraraðila

Einstaklingar/heimili   8.000,-

Fyrirtæki/rekstraraðilar   32.000,-

Óflokkaður úrgangur er alltaf gjaldskyldur!

Opnunartími móttöku- og söfnunarstöðva